Byltyr jol-kölık oqiǧalary saldarynan elımızde 285 bala qaza tapty. Būl turaly IIM Äkımşılık polisiia komitetı töraǧasynyŋ orynbasary Ǧalym Sarǧūlov mälımdedı, dep habarlaidy «Adyrna» tılşısı.
Ol zardap şekken kämeletke tolmaǧandardyŋ jartysynan köbı kölık jolauşylary bolǧanyn atap öttı.
Spikerdıŋ aituynşa, köp jaǧdaida zardap şekken balalardy eresekter tasymaldau erejelerın būzǧan: balalardy arnaiy ūstap tūru qūrylǧylarynsyz jäne qauıpsızdık beldıgın taqpai alyp jürgen.
«Jol qozǧalysy qauıpsızdıgı jürgızuşılerge de, jaiau jürgınşılerge de bailanysty. Qauıp ekı tarap üşın de bar. Jol-kölık oqiǧalary sebepterınıŋ bırı – joldy belgılenbegen jerden nemese baǧdarşamnyŋ tyiym salynǧan belgısıne ötu. Balalar keide jol jaǧdaiyn tiıstı deŋgeide baǧalamaidy, joldan öter aldynda qauıpsızdıkke köz jetkızu qajettıgın ūmytyp ketedı. Sebebı būrylystan nemese jol jiegınde tūrǧan kölıktıŋ arasynan kenetten avtokölık şyǧyp qaluy mümkın. Qaraŋǧy uaqytta jürgızuşılerge jaiau jürgınşılerdı köru qiyndai tüsedı, äsırese olardyŋ kiımınde jaryq qaitaratyn elementter bolmasa. Osyǧan bailanysty balalarǧa joldan ötpes būryn jürgızuşımen közben bailanys ornatudyŋ maŋyzyn tüsındıru qajet», – dedı ol.
Sondai-aq Ǧalym Sarǧūlov jas jol qozǧalysy inspektorlarynyŋ rölın atap öttı. Olar elımızdıŋ barlyq öŋırınde jūmys ısteidı. Bügınde respublika boiynşa 60 myŋnan astam oquşy mektepterde jol qauıpsızdıgın qamtamasyz etu baǧytynda auqymdy jūmys jürgızude. Sonymen qatar mektepterde jasöspırımder arasyndaǧy qūqyq būzuşylyqtyŋ aldyn aluǧa baǧyttalǧan «SAQŞY» jasaqtary qūrylǧan.
«Ökınışke qarai, keide eresekterdıŋ nemqūrailyǧy balalardyŋ tek jolda ǧana emes, qūqyq būzuşylardyŋ äreketınen de zardap şeguıne sebep bolyp jatady. Sondyqtan qauıpsız mınez-qūlyq daǧdylaryn qalyptastyru jäne profilaktika mäselesıne ata-analardy, balabaqşa tärbieşılerın jäne mektep mūǧalımderın keŋınen tartu maŋyzdy. Balalar qauıpsızdık turaly neǧūrlym köp aqparat alsa, bız olardy soǧūrlym senımdı qorǧai alamyz. Qalai dūrys äreket etu kerektıgı, kımge senuge bolatyny, qaida jügınu qajettıgı turaly ärbır söz bala üşın paidaly. Tek bırlesken küş-jıgerdıŋ arqasynda ǧana balalar üşın qauıpsız orta qalyptastyra alamyz», – dep tüiındedı spiker.
