Qazaqtyń qazirgi saýatsyz úkimetin – eki apta emes, eki saǵat bılikte qaldyraýǵa bolmaıdy!

4171

El basshysy, qaterli indettiń qurbandaryna Aza kúnin jarııalaǵannan keıin úkimetpen qashyqtan shuǵyl jıylys ótkizdi. Qapalanyp-qaıǵyrdy da, ursyp-jekidi de, eskertý-sógister de jarııalady. Aqyrynda, úmitsiz úkimetke taǵy eki apta mursat berdi...

Menińshe, byltyrǵy Arys azaby men bıylǵy Maqtaral sergeldeńin aıtpaǵanda, alty aıdan astam ýaqytta qytaıdyń qara indetine qarsy jumylýǵa qaýqary jetpegen úkimetti dereý (erteń emes, búgin...) taratyp jiberip, quqyq qorǵaý oryndary pandemııaǵa bólingen qyrýar qarjyny muqııat tergep-tekserýge kirisýi kerek.

Álemdik indetke mıllardtaǵan qarjylar bólinse de, dári-dármekter tapshylyǵyn qoldan jasaǵan (dári satatyn kompanııalardyń qoımasynda suranystaǵy dári-dármekter lyqa tolyp turǵan), aýrýhanalarda oryn ázirlemegen (aýyr syrqattardy qabyldamaǵan), tynys alý aparattaryn aldyn-ala satyp alýdy uıymdastyrmaǵan basshylyrdyń túgeli (úkimet múshelerinen bastap) qyzmetterinen bosap, qylmystyq jaýapqa tartylýy kerek.

Qazaqtyń qazirgi saýatsyz úkimetin – eki apta emes, eki saǵat bılikte qaldyraýǵa bolmaıdy!

El bıligine ótkir minezdi, janashyr jaýapkershilikti, shuǵyl sheshimdi, tanym-tájirıbesi tolyqqandy jigitter kelsin! Búginde tájirıbe jınap, tálim támsildep jatatyn ýaqyt joq: árbir saǵat, ár kún – asa qymbat!

  1. Qazaq Úkimetininiń tizginin – óte ójet ári aýqymdy árekettiń adamy – Imanǵalı Nurǵalıuly TASMAǴAMBETOVtyń qolyna berý kerek.
  2. Qarjy mınıstriligin – álemdik qos daǵdarys kezeńderinde eki márte úkimetbasy bolǵan – Kárim Qajymhanuly MÁSIMOVke senip tapsyrsaq!
  3. Densaýlyq mınıstrligin – áleýmettik salanyń maıtalman mamany, birneshe iri aımaqtardy úlgili isterimen órkendetken – Qyrymbek Eleýuly KÓShERBAEV basqarsa!

Atqarýshy bılik tez etek-jeńin jınap, jumyla jumys isteýi úshin – K.MÁSIMOV pen Q.KÓShERBAEVqa – Premer-mınıstrdiń Birinshi orynbasary laýazymdary qosymsha qýatty quzyretterimen kúsheıtilip berilse!

Bálkim, osyndaı ońdy ózgeris pen batyl betburystyń arqasynda jazyqsyz qazaǵymyzdy qandy qyrǵynan arashalap qalarmyz! Al, ázirge orys pen qytaı dárigerleri (tyńshylary dese te bolar) Qazaq Eline «kómekke» jiberilip, elimiz ben ultymyzǵa qaýip tónip tur...

 

Myńjan BAIZHANIN,

qoǵam qaıratkeri

Pikirler
Redakııa tańdaýy