"Nur Otan" partııasy qazaqstandyqtardan 100 myńnan asa qońyraý qabyldady

2273
Adyrna.kz Telegram

Esep komıteti «Nur Otan» partııasy» QU-nyń qyzmetin udaıy tekserip otyrady. Bıyl Respýblıkalyq bıýdjettiń atqarylýyn baqylaý jónindegi Esep komıteti sońǵy úsh jyl ishinde bıýdjet qarajatynyń paıdalanylýyna memlekettik aýdıt júrgizdi.

«Nur Otan» partııasynda Esep komıteti júrgizgen aýdıt - saıası partııalardy respýblıkalyq bıýdjetten qarjylandyrý bastalǵannan beri júrgizilgen úshinshi tekserý. Buǵan deıingi tekserýler 2013 jáne 2017 jyldary ótken-di.
Tekserý nátıjeleri boıynsha qarjylyq zań buzýshylyqtar anyqtalǵan joq. Aldyńǵy eki tekserýden soń jasalǵan usynystardy oryndaý bıýdjet qarajatyn basqarýdyń sapasyn jaqsartty.
Aýdıt barysynda anyqtalǵan proedýralyq buzýshylyqtardy joıý boıynsha sharalar qabyldandy.
Aıqyn ári ashyqtyq jáne eseptilik qaǵıdattaryn basshylyqqa ala otyryp, partııa 2014 jyldan bastap BAQ-ta óz qyzmeti týraly qarjylyq esep jarııalap otyrady.

Qazirgi tańda partııanyń ınfraqurylymy damyǵan, qataryndaǵy 846 myńnan astam partııa múshesiniń basyn biriktiretin 247 fılıal, 4 500 bastaýysh partııa uıymy bar.

Halyqpen tıimdi baılanys ornatý úshin ár fılıalda qoǵamdyq qabyldaý bólmeleri jumys isteıdi. Birinshi jartyjyldyqtyń qorytyndylary boıynsha qoǵamdyq qabyldaýlarǵa 2019 jyldyń sáıkes kezeńimen (61,9 myń) salystyrǵanda 3,5 ese kóp ótinish (218,4 myń) tústi. Onyń 98%-y sheshildi, 36%-y jáne 2%-y oryndalýda.

Sáýir aıynyń basynan beri partııanyń aımaqtyq fılıaldarynyń jedel jeli telefondaryna 100 myńnan astam qońyraý kelip tústi. Al fılıaldardyń áleýmettik jelilerdegi akkaýnttaryna jazylýshylar sany instagram-da 56,9 myńǵa, facebook-te 6,4 myńǵa kóbeıdi.

Sonymen qatar, partııanyń saraptamalyq jáne bilim berý ortalyqtary bar. Olar óz qyzmeti barysynda jumystarynyń tıimdiligi men qajettiligin dáleldep otyr. Atap aıtsaq, bul - Qoǵamdyq saıasat ınstıtýty men Saıası menedjment mektebi.

Sondaı-aq, partııanyń quramyna oǵan servıstik-qoldaý, polıgrafııalyq qyzmet kórsetetin «Nur Otan» sharýashylyq basqarmasy» JShS jáne partııanyń respýblıkalyq baspasóz quraldary, tele jáne radıo arnalary men ınternet-resýrstarynyń basyn biriktiretin «NUR-Medıa» JShS kiredi.

Jastar saıasatyn tıimdi júzege asyrý úshin partııa janynda «Jas Otan» Jastar qanaty jumys isteıdi. Onyń quramynda búginde 105 myńnan astam jasotandyqtar bar.
Jalpy, joǵaryda atalǵan uıymdardy esepke ala kele, partııa apparaty 2931 adamdy jumyspen qamtamasyz etip, byltyrdyń ózinde el bıýdjetine 1,3 mlrd. teńge salyq tóledi.

"Adyrna" ulttyq portaly

Pikirler