BAQ kúnine arnalǵan saltanatty jıyn ótti (beınebaıan)

2910
Adyrna.kz Telegram

Búgin  elordadaǵy "Qazmedıa ortalyǵy" ǵımaratynda buqaralyq aqparat quraldarynyń qyzmetkerleri kúnine arnalǵan saltanatty jıyn ótti.

Is-sharaǵa Aqparat jáne qoǵamdyq damý mınıstri Aıda Balaeva, salalyq memlekettik organnyń qyzmetkerleri, otandyq BAQ ókilderi qatysty. Shara eldegi epıdemıologııalyq jaǵdaı talaptaryna baılanysty onlaın-formatta ótti.

QR Aqparat jáne qoǵamdyq damý mınıstri barlyq jýrnalıster men BAQ qyzmetkerlerin kásibı merekesimen quttyqtady.

«Sońǵy aılardaǵy qıyn jaǵdaı kezinde óz densaýlyǵy men ómirine qaýipti ekenine qaramastan, adamdarǵa shynaıy aqparat taratyp, adamdardyń erteńgi kúnge degen senimin arttyrý maqsatynda kásibı mindetin adal atqaryp júrgen medıa qyzmetkerleri jumysyna qoǵam kýá», - dedi Aıda Balaeva.

Saltanatty is-shara aıasynda joǵary kásibı sheberligi úshin elimizdiń barlyq aımaqtarynan ondaǵan medıa qyzmetkerler QR Aqparat jáne qoǵamdyq damý mınıstrliginiń Qurmet Gramotasymen jáne otandyq jýrnalıstıkany damytýǵa aıryqsha úles qosqan medıa maıtalmandary "Aqparat salasynyń úzdigi " tós belgisimen marapattaldy. Sanıtarlyq epıdemıologııalyq jaǵdaıǵa baılanysty marapat tek Qazaqstan jáne "Habar 24" telearnalarynyń jýrnalısteri Maqpal Ýkenova men Qanat Bazylhanov, Aiqyn jáne "Kazahstanskaıa pravda" gazetteriniń jýrnalısteri Aıtjan Murjanov pen Asqar Beısenbaevqa tabystaldy.

Sonymen qatar, bıyl alǵash ret belgili jýrnalıst jáne qoǵam qaıratkeri, QR Prezıdenti syılyǵynyń laýreaty Beısen Quranbek atyndaǵy "Jiger" syılyǵy taǵaıyndalǵany belgili. Esterińizge sala keteıik, tórt nomınaııa boıynsha konkýrsqa qatysý úshin ótinimder qabyldaý 2020 jyldyń 26 mamyry men 15 maýsymy aralyǵynda ótken bolatyn. Jeńimpazdarǵa syılyqty "Aqparat salasynyń úzdigi" tósbelgisiniń jańa ıegerleri tabystaý qurmetine ıe bolady.

"Jiger" syılyǵy:

Mereı Shohmanova – "Habar 24" TK, "áleýmettik taqyryptaǵy úzdik TV sıýjeti" atalymyna;

Azamat Qasym – "Egemen Qazaqstan" gazeti, «áleýmettik taqyryptaǵy úzdik maqala»;

Aqjeleń Rahatdınqyzy – "Almaty" TK, "áleýmettik taqyrypta eń úzdik jarııalanym (áleýmettik jelide);

Olga Býgaeva – AA "Pavlodarnews.kz",  "áleýmettik taqyryptaǵy úzdik fotosýret" atalymyna ıe boldy.

Saltanatty shara kezinde áriptesterin beınebaılanys arqyly sheteldik bólimshelerde jumys isteıtin otandyq BAQ jýrnalısteri, atap aıtqanda, Maıra Kabıeva (AQSh), Sergeı Aısender (Izraıl), Iýlııa Týjılkına (Grýzııa), sondaı-aq Janat Ernst (Belgııa) jáne Ǵalymjan Qaramanuly (Ulybrıtanııa) quttyqtady.

Jıyn barysynda is-sharaǵa qatysýshylar 2020 jyl qazaqstandyq jýrnalıster úshin tek koronavırýs pandemııasymen kúrespen ǵana emes, sonymen qatar júzdegen naǵyz kásibı sheberlerdiń adal eńbegi men mańdaı teriniń arqasynda jetken jetistiktermen de este qalatynyn atap ótti. Sondaı-aq, bıylǵy jyly respýblıkalyq «Kazahstanskaıa pravda» gazeti men «Kazınform» halyqaralyq aqparat agenttigi 100 jyldyq mereıtoıyn atap ótýde, «Habar agenttigi» AQ-nyń medıa naryqqa shyqqanyna 25 jyl tolyp otyr.

Aqparat jáne qoǵamdyq damý mınıstri Aıda Balaeva jýrnalıst mamandyǵyn tek boıynda aıryqsha azamattyq ustanymy, keń dúnıetanymy men joǵary adamgershilik qundylyqtary bar adamdar ǵana alyp júretinin atap ótip, barlyq BAQ qaýymdastyǵy ókilderine alǵysyn bildirdi. Merekelik sharada jýrnalıster kúnine arnaıy jazylǵan ánniń tusaýy da kesildi.

"Adyrna" ulttyq portaly

Pikirler