Myńdaǵan anany jylatpańyzdar!

4651
Adyrna.kz Telegram

Sońǵy aılarda áleýmettik jelide úlken rezonans týdyrǵan Álibı Ótepbergenniń jaǵdaıy óner adamdaryn da beı-jaı qaldyrmady. Eske salaıyq, «Aqbóbek-Vostok» jazǵy lagerinde buzyqtyq jasaǵan balalardy jazalaýǵa tyrysqan tárbıeshi Aqtóbe oblystyq sotynyń úkimi boıynsha 10 jylǵa bas bostandyǵynan aıyryldy. Sheshimniń esh negizsiz bolǵanyna kúıingen týysqandary qarasha halyqtan kómek suraıdy.

Bul týraly "Adyrna" buǵan deıin de jazǵan edi.

Bolashaq akterdiń qıyn jaǵdaıyna ún qosyp, shákirtteriniń jazyqsyz ekendigin dáleldeý úshin shyryldap júrgen óner adamdarynyń pikirine úńilip kóreıik!

 Sáken Maıǵazıev, Qazaqstannyń eńbek sińirgen qaıratkeri:

–Oqýshylar lagerindegi 50-ge jýyq beı̆nekamerada Álibıdiń birde-bir oǵash qylyǵy kórinbese, aryz jazǵan 20 ata-ananyń 19-y "Álibıge taǵar kinámiz joq" dep aryzyn qaı̆taryp alsa, endi ne kerek?! Bul qazaq halqyn, Álibıimizdiń týystaryn sybaı̆las jemqorlyqqa ıtermeleý me?! Aryzyn qaı̆taryp almaı̆ otyrǵan 15 jasar balanyń otbasyna aı̆tarym, Allah taǵala bárin bilýshi, kórýshi, estýshi. Shańnyń tozańyndaı̆ jaqsylyq jasasań ózińe, jamandyq jasasań ózińe oralady. QUDAĬ kóresimizdi kórsetpeı̆ kórge kirgizbeı̆di, osyny umytpaı̆yq. Jazyqsyz jandy 10 jylǵa sottatý baryp turǵan beı̆bastaqtyq, ádiletsizdik. Eger, Álibıimiz kináli bolǵan bolsa, dálelmen kórsetýlerińizdi suraı̆myz. Ádildik saltanat qursyn! QAZAQSTANYMYZdyń jarqyn bolashaǵynyń, kemel kelesheginiń kepili jastarymyzǵa jazyqsyz jala jaba beretin bolsaq, erlerde elge degen senim qaı̆dan bolady?!

 

Maıra Ilııasova, Qazaqstannyń eńbek sińirgen qaıratkeri, qazaq estradasynyń anasy:

«Álibıge arasha! Qymbatty, halaı̆yq! Álibı balamyzǵa el bolyp, arasha túsip, ádildik suraǵanymyzben, sot óz sheshimin ózgertpedi. Qalyń qazaqtyń tilegi eskerilmedi, týystary qan jylady, Álibıdiń úmiti sónýge taıaý qaldy. Degenmen, bul qazaq ne kórmegen?! Talaı̆ qınalǵan janǵa demeý boldyq, jylaǵannyń kózin birge súrttik, qınalǵandy qýanttyq. Endeshe, taǵy bir ret "kóp túkirse, kól bolatyn" kezimiz jetti, aǵaı̆yn!
Siz bolyp, biz bolyp, onsyz da qatal taǵdyrdyń taýqymetine ushyrap, anasynan erte aı̆rylǵan, 23 jasynda jasóspirimderdiń "erkeliginen" naqaqtan jala jabylǵan Álibı Ótepbergenge qol ushyn sozatyn kez keldi. Barsha janashyrlar jıylyp, jas jigitti qorǵaýǵa qol ushyn sozaı̆yqshy.

«Shynynda aksha ne ýshın jınap jatsyzdar? Sot aksha sýrap jatyrma? Nege elbasyna hat jazyp, kómek sýramaısyzdar?» degen oqyrmannyń suraǵyna Maıra bylaı dep jaýap berdi:

«Álibıdi 2 advokat qorǵaıdy. Aqtóbege jıi baryp jatyr. Qarajat ushaq, qonaq úı, tamaqqa jumsalýda. Balalarynyń jalǵan aqparattaryna senip, shalys basqan ata-analar aryzdaryn qaıtaryp aldy. Balalar lagerde dıskotekaǵa bara almaı, eregesip uıymdastyrǵany aıdan anyq. Men «Shabyt» ýnıversıtetinde dekan jane ustaz bolyp qyzmet atqarǵanmyn. Álibı grýppanyń starostasy ári óte taza bala bolatyn»

 

Merýert Túsipbaeva da ınstagram paraqshasynda Álibıdiń isine baılanysty birneshe jazba qaldyrǵan. Oqıǵanyń neden bastalyp, qalaı órbigenin de baıandaıdy. Aktoty Raımkýlova, Askhat Mayemirov, Maıra Ilıasova, Sveta Aı̆tbaeva syndy úzeńgilesterin jazyqsyz jandy qoldaýǵa shaqyrdy.

Osydan bir apta buryn jazǵan jazbasynda «Jumylsaq - judyryq, biriksek - taý qoparar kúshpiz! Ádildik bar, jeńiske jetetin kún jaqyn! Úmitiń sónbesin, ÁLIBI!» deı kele, qarajat jınaý úshin Álibıdiń ápkesiniń rekvızıtterin kórsetken.

«Qymbatty, halaı̆yq!!! Álibı balamyzǵa el bolyp, arasha túsip, ádildik suraǵanymyzben, sot óz sheshimin ózgertpedi. Qalyń qazaqtyń tilegi eskerilmedi, týystary qan jylady, Álibıdiń úmiti sónýge taıaý qaldy. Degenmen, bul qazaq ne kórmegen?! Talaı̆ qınalǵan janǵa demeý boldyq, jylaǵannyń kózin birge súrttik, qınalǵandy qýanttyq. Endeshe, taǵy bir ret "kóp túkirse, kól bolatyn" kezimiz jetti, aǵaı̆yn!
Siz bolyp, biz bolyp, onsyz da qatal taǵdyrdyń taýqymetine ushyrap, anasynan erte aı̆rylǵan, 23 jasynda jasóspirimder "erkeliginen" naqaqtan jala jabylǵan Álibı Ótepbergenge qol ushyn sozatyn kez keldi. Barsha janashyrlar jıylyp, jas jigitti qorǵaýǵa qol ushyn sozaı̆yqshy» dep sharq urady Túsipbaeva.

 

Álibıdi pedofılııaǵa qatysy bar degen pikirge Merýerttiń bergen jaýaby:

«Qazirgi ýaqytta pedofılııa taqyryby páleqorlarǵa jaqsy boldy. Qıt etse, pedofıl dep shyǵady. Meniń bala kezimde, osy taqyryp jabyq edi, synyptastarymyzdy jasy úlkenirek balalar uratyn. "Er shekispeı̆, bekispeı̆di" dep kózderi kógerip júre beretin. Al qazir bári áljýaz, erke, shybyq tıse shyńq eter “mamenkın synochekter”. Kishkene erkek bolsyn, moı̆ny qataı̆syn dep tárbıelep, qatty sóı̆lep, nuqyp jiberse boldy, ózińe atylýǵa daı̆yn. Óshin alý úshin «pedofıl» dep shyǵady. Qazaq onsyz da óte az. Bolashaǵynan zor úmit kúttiretin azamattarymyzdy abaqtyǵa tyqsaq, qalaı̆ ósemiz?! Qalaı̆ órkendeı̆miz?! Óz-ózimizdi ult retinde joıý qaýpi bar emes pe?!»

«Qurmetti analar! Balalaryńyzdy ERKEK qylyp tárbıeleńizder! Balańyzdy jaqsy kórseńiz, bala men tárbıeshiniń arasyna túspeı, balaǵa óz máselesin ózi sheshýine múmkindik berińizder! Balańyzdy qansha qorǵashtaǵanyńyzben, siz balańyzben ómir boıy birge bolmaısyz. Durys túsinýlerińizdi suraımyn. Bizdiń balalarymyzdyń bizden de  keremet taǵdyry bar» dep aryz jazǵan ata-analarǵa úndeý tastaıdy.

Sveta Aıtpaeva da «Obal boldy jas balaǵa. Meniń Dımashjanymmen qatar eken» dep ah uryp jatyr. Jan-jaqqa habarlasyp, dabyl qaǵýda. «Eger anasy tiri bolsa, álgi aryz bergen áıelderdiń úıiniń aldyna kóldeneńnen jatyp alsa da, aryzyn aldyrtqyzatyn edi ǵoı» dep kúrsinedi.

«Álibıdiń Analary» bolǵan myńdaǵan Anany jylatpańyzdar! Álibı jaman bolsa, qazaqtyń Qyz Jibegi Merýert Ótekeshova apamyz ushaqpen Aqtóbege ushyp baryp, sottyń aldyna baryp otyrmaıdy.
Jas qyzdar men zamandastary shyryldap shyqpaıdy. Tursynbektiń kelinshegi Móldir de kúńirenip post jazbaıdy... Bir kem dúnıe...» dep Álibıdiń taǵdyry úshin kúresip júrgen Bıbigúl Dáýletbekqyzy da ún qosty.

Qazirgi kezde Álibıdi Asanáli Ashımov, Eskendir Hasanǵalıev, Nurǵalı Núsipjanov, Merýert Ótekesheva, Maıra Ilıasova, Ashat Maemırov, Qanat- Sveta Aıtpaevtar, Qydyráli - Qaraqat, Tursynbek - Móldir Qabatovtar, Saken Maıǵazıev, Merýert Túsipbaeva, Madına Sadýaqasova, Daýren Serǵazın, t.b. tanymal tulǵalar qoldap otyr.

Aqıqatty ashyp aıtý aqyldyń isi! Árkimniń óz shyndyǵy bolǵanmen, aqıqat bireý! Advokattar men atsalysqandar da aqıqatqa adaspaı jetip, dúrlikken halyqtyń kúpti kóńilin  óz ornyna túsirýin tileımiz.

 

 

Ábilda Aıaýlym,

"Adyrna" ulttyq portaly

Pikirler