Nur-Sultan qalasynyń prokýratýrasy Dýlat Aǵadildiń ólimine qatysty qylmystyq tergeýdiń qorytyndysyn jarııalady, - dep habarlaıdy Tengrinews.kz qalalyq prokýratýranyń baspasóz qyzmetine silteme jasap.
"Aǵadil qaladan shyqpaý týraly qolhattyń erejesin buzyp, tergeý organdarynan qashyp, oǵan izdeý jarııalandy. Osyǵan baılanysty sot oǵan qatysty qamaýǵa alý týraly sheshim shyǵardy. Tájirıbeli sot-medıınalyq sarapshylar men mamandardan jáne joǵary dárejeli kardıologtardan quralǵan komıssııa ólimniń mán-jaıy men sebebin muqııat zerttedi", - delingen habarlamada.
"Aǵadildiń ólimine oǵan qoıylǵan asqynǵan mıokard ınfarkty dıagnozy sebep boldy. Nátıjesinde qan uıyǵyshtyǵy buzylyp, sol jaq júrek qarynshasynda qan jetkiliksizdigi baıqalǵan. Sarapshylar Aǵadildiń denesinen jaraqattar anyqtamady. Osyǵan baılanysty 25 mamyrda Aǵadilge qatysty is qylmystyq erejebuzýshylyq bolmaǵandyqtan toqtatyldy", - dedi prokýratýradaǵylar.
Eske sala ketsek, buǵan deıin Dýlat Aǵadildiń qaıtys bolǵandyǵy jóninde habarlanyp, oǵan aqyndarymyz joqtaý arnaǵan edi.
