Mamyr aiynyŋ 15-jūldyzynda Aqparat jäne qoǧamdyq damu ministrı Aida Ǧalymqyzy Balaevamen aqparat salasyna qatysty jūmystardy jandandyru mäselesın talqylau boiynşa kezdesu öttı. Erkın formatta, aşyq pıkır aitylǧan kezdesuge qazaq tıldı basylymdar men internet portaldarynyŋ bas redaktorlary jinaldy. Jiynǧa qatysuşylardyŋ bärıne de söz berılıp, onda özektı ūsynys-pıkırler aityldy. Jaqynda ǧana taǧaiyndalǧan jaŋa ministrdıŋ jūmysqa, özgerıske, jaŋaşyldyqqa degen qūlşynysy, ynta-jıgerı ä degennen-aq baiqalyp tūrdy. Kezdesu barysynda Aida Ǧalymqyzy alǧaşqy bolyp söz alyp, osyndai qiyn-qystau uaqytta maŋdaiynan qara terı sorǧalap, halyqqa qyzmet etıp jürgen jurnalister ekenın tılge tiek ettı. Ary qarai atalǧan jiynnyŋ maqsat-mänımen qatar, aqparat salasynda eŋbek etıp jürgen azamattardyŋ ūsynysyn tyŋdai kele ıs-şaralar josparyn jasaqtaitynyn aityp öttı. Aqparat jäne qoǧamdyq damu ministrıne "Qazaq ünı" basylymynyŋ bas redaktory Qazybek İsa, Abai.kz ūlttyq portalynyŋ direktory Däuren Quat, Dalanews.kz portalynyŋ bas redaktory Duman Byqai jäne «Adyrna» aqparattyq agenttıgınıŋ prezidentı jäne taǧy basqa kısıler ärtürlı ūsynystar aitty.
«MEMLEKETTIK TIL TURALY ZAŊDY QABYLDAU MÄSELESI ÖRŞIP TŪR»
Qazybek İSA: -Memlekettıŋ ideologiiasyn jürgızetın qazaq basylymdary ekenı belgılı. Alaida qazır qazaq tıldı gazetterınıŋ reitingı tym tömendep kettı. Soǧan orai juyrda ǧana saitymyzda Memlekettık tıl turaly zaŋdy qabyldau jönınde maqala jariialanǧan edı. Bügıngı taŋda zaŋǧa qol qoiuşylar sany 115 000 adamnan asyp kettı. Bükıl qazaq basylymdary men BAQ ökılderı tıl turaly ūsynysymyzdy qoldap otyr. Sondyqtan memlekettık tıl turaly zaŋdy qabyldau mäselesı oiyŋyzda jürse eken deimız.«ORYS TILDILERGE QARAǦANDA, QAZAQ TILDI SAITTARǦA KÖBIREK QARAJAT BÖLINUI KEREK»
Däuren QUAT: - Būryn orys tıldı saittarǧa köbırek qarajat bölınetın. Qazır sol «dästür» älı künge deiın jalǧasyp kele jatyr. Sondyqtan qazaq tıldı saittarǧa qarajat bölu mäselesın taǧy bır qarastyrsaŋyzdar eken deimın. Memlekettık satyp alu boiynşa tapsyrystardy beru jäne qabyldap alu jüiesın özgertu kerek dep oilaimyn. Baspasöz künıne orai syi-siiapattar berılıp jatsa jastarǧa stimul bolar edı. Memlekettık satyp alular berılgen kezde qazaqtyŋ tarihyn, mädenietın, salt-dästürın, önerın nasihattaityn taqyryptardy negızge alsa degen ūsynysymyz bar. Jäne halyqaralyq gazetterdı özınıŋ statusyna sai etıp, halyqaralyq katalogtarǧa kırgızu kerek.«QAZAQ BASYLYMDARY OQYRMANDARǦA SATYLUY ÜŞIN QAZAQ KİOSKALARYN AŞUYMYZ KEREK»
Duman BYQAI:«QAZAQ JURNALİSTERI ÄLEMDIK AQPARAT QŪRALDARYNYŊ KEŊSESINDE TÄJIRİBEDEN ÖTUI KEREK»Qazaqstanda gazettıŋ satylu, saudalanu mäselesı örşıp tūr. «Karavan» dükenderıne gazettı satu kezınde ülken problemalarǧa kezdesemız. Onyŋ aldyna şyǧu ülken qarajatty qajetsınedı. Sondyqtan gazetterdı satu mäselesıne köŋıl bölıp, qazaq kioskalaryn aşsaq dep oilaimyn. Jäne äleumettık jelıdegı toptardy memlekettık saiasatty jürgızu maqsatynda ūtymdy paidalanu kerek.
- Pochta qyzmetkerlerı men jurnalisterdı jinap, ortaq kezdesu ötkızu kerek siiaqty. Sebebı, gazetterdı auyl-aimaqqa jetkızu mäselesı ülken dau tuǧyzuda.
Arman SERIKŪLY: -Qazaq saittaryn jaŋa mediany igeruge qadamdar jasau kerek, atap aitqanda animasiia, 3D skanerleu, 360 gradustaǧy tüsırılım, vertualdy şyndyq (VR) jäne taǧy basqa tehnologiialardy igeruge küş salsaq aqparat qyzyǧyraq bolatyn edı. Bızdıŋ qazırgı taŋda äleumettık jelılerdegı jalpy oqyrmandar sany 800 000-nan asyp jyǧylady. Osy äleumettık jelılerdı ūtymdy paidalanyp, memlekettık ideologiialardy toptar arqyly jetkızuımız kerek dep oilaimyn. Sonymen bırge, qazaq jurnalisterı älemdık aqparat qūraldarynyŋ keŋsesınde täjıribeden ötse, media salasyn damytuǧa arnalǧan üzdık ideialar baiqauy ūiymdastyrylsa aqparat salasy keŋınen damityn edı.Aqparat jäne qoǧamdyq damu ministrı jiyn barysynda aitylǧan ūsynystardy zerttep, tiımdı şeşımder qabyldaitynyn jetkızdı. Sondai-aq, bolaşaqta halyqtyŋ äl-auqatyn köteretın memlekettık baǧdarlamalardy öŋdeu, qarapaiym tılge salu, qyzyqtyru BAQ ökılderınıŋ enşısınde ekenın de aitty. Jäne söz soŋynda «Jurnalistikany ǧylym salasyna būru kerek. Qoǧamda talǧam paida bolatyndai materialdar jazyluy tiıs. Adamdardyŋ dünietanymy keŋeietındei maqalalardy halyqqa ūsynsaq, olarda talǧam paida bolady. Al halyqta talǧam bolsa zaman da dūrys qalyptasady» deidı Aqparat jäne qoǧamdyq damu ministrı Aida Ǧalymqyzy.
«Adyrna» ūlttyq portaly
Ūqsas jaŋalyqtar
