Mádenıet jáne aqparat mınıstri mádenıet salasyndaǵy qordalanǵan máselelerdi bólisti, dep habarlaıdy "Adyrna" ulttyq portaly.
Mınıstr Aıda Balaeva QazAqparat tilshisine bergen suhbatynda mádenı ortalyqtardyń materıaldyq-tehnıkalyq bazasyn nyǵaıtýda atqarylyp jatqan jumystarǵa toqtaldy.
"Ókinishke qaraı, bul salada uzaq ýaqyt boıy sheshimin tappaǵan júıeli máseleler bar. Mýzykalyq aspaptarǵa qatysty másele de osyǵan saıady.
Mádenı nysandardyń materıaldyq-tehnıkalyq bazasyna keletin bolsaq, sońǵy jyldary Memleket basshysynyń tikeleı qoldaýymen kórnekti ǵımarattardy rekonstrýkııa jasaýǵa kóp kóńil bólindi. Atap aıtqanda, «Qazaqkonert» memlekettik akademııalyq konerttik uıymynyń ǵımaratyn kúrdeli jóndeý, «Astana opera» memlekettik opera jáne balet teatrynyń sahnalyq jabdyqtaryn jańǵyrtý josparlanǵan. Qoja Ahmet Iasaýı kesenesiniń «Qazaq» kúmbeziniń apatqa qarsy jáne konservaııalyq jumystary júrgiziledi.
Endigi kezekte – Natalııa Sa atyndaǵy balalar men jasóspirimderge arnalǵan memlekettik akademııalyq orys teatrynyń ǵımaratyn qaıta jańartý jáne respýblıkalyq memlekettik akademııalyq Nemis drama teatrynyń ǵımaratyn jóndeý. Tutastaı alǵanda, mýzeıler, teatrlar men orkestrler sııaqty, ártúrli nysandardy jańartý jáne jóndeý olardyń shyǵarmashylyq jáne mádenı murany usynýy úshin qolaıly jaǵdaılardy jasaý úshin qajet", - dedi mınıstr.
Mádenıet pen aqparat mınıstri óńir basshylaryna arnaıy tapsyrma júktelgenin de jasyrmady. Basshylarǵa el aýmaǵynda jańa nysandardyń qurylysy boıynsha, ásirese, Shymkent, Semeı jáne elimizdiń basqa da oblys ortalyqtarynda jańa teatrlar salynýyna qatysty jeke tapsyrmalar berilgen.
"Mádenı ınfraqurylym jańartylyp, aktıvter jańa alańdarmen tolyǵatyny túsinikti. Biraq, biz kóne murany qatań tártippen saqtaýǵa mindettimiz. Osyǵan baılanysty shyǵarmashylyq ujymdardaǵy áriptesterdiń mádenı nysandardaǵy maqsatsyz jumystarǵa qatysty alańdaýshylyǵyn túsinemin ári qoldaımyn.
Árıne, biz olardy tyńdap, belgili tulǵalarmen qoshtasý rásimi jıi ótetin teatr qyzmetkerleriniń psıho-emoıonaldyq jaǵdaıyna den qoıýǵa tyrysamyz. Sondyqtan biz múmkindiginshe jaqyndaryna basqa da balama formalar bar ekenin jetkizýge tyrysamyz. Meniń oıymsha, kóp uzamaı biz keńestik kezeńdegideı mádenıet mekemelerinde eske alý keshterin uıymdastyrý tájirıbesinen múldem bas tartamyz", - dedi óz sózinde Aıda Balaeva.
