Mädeniet jäne aqparat ministrı mädeniet salasyndaǧy qordalanǧan mäselelerdı bölıstı, dep habarlaidy "Adyrna" ūlttyq portaly.
Ministr Aida Balaeva QazAqparat tılşısıne bergen sūhbatynda mädeni ortalyqtardyŋ materialdyq-tehnikalyq bazasyn nyǧaituda atqarylyp jatqan jūmystarǧa toqtaldy.
"Ökınışke qarai, būl salada ūzaq uaqyt boiy şeşımın tappaǧan jüielı mäseleler bar. Muzykalyq aspaptarǧa qatysty mäsele de osyǧan saiady.
Mädeni nysandardyŋ materialdyq-tehnikalyq bazasyna keletın bolsaq, soŋǧy jyldary Memleket basşysynyŋ tıkelei qoldauymen körnektı ǧimarattardy rekonstruksiia jasauǧa köp köŋıl bölındı. Atap aitqanda, «Qazaqkonsert» memlekettık akademiialyq konserttık ūiymynyŋ ǧimaratyn kürdelı jöndeu, «Astana opera» memlekettık opera jäne balet teatrynyŋ sahnalyq jabdyqtaryn jaŋǧyrtu josparlanǧan. Qoja Ahmet Iаsaui kesenesınıŋ «Qazaq» kümbezınıŋ apatqa qarsy jäne konservasiialyq jūmystary jürgızıledı.
Endıgı kezekte – Nataliia Sas atyndaǧy balalar men jasöspırımderge arnalǧan memlekettık akademiialyq orys teatrynyŋ ǧimaratyn qaita jaŋartu jäne respublikalyq memlekettık akademiialyq Nemıs drama teatrynyŋ ǧimaratyn jöndeu. Tūtastai alǧanda, muzeiler, teatrlar men orkestrler siiaqty, ärtürlı nysandardy jaŋartu jäne jöndeu olardyŋ şyǧarmaşylyq jäne mädeni mūrany ūsynuy üşın qolaily jaǧdailardy jasau üşın qajet", - dedı ministr.
Mädeniet pen aqparat ministrı öŋır basşylaryna arnaiy tapsyrma jüktelgenın de jasyrmady. Basşylarǧa el aumaǧynda jaŋa nysandardyŋ qūrylysy boiynşa, äsırese, Şymkent, Semei jäne elımızdıŋ basqa da oblys ortalyqtarynda jaŋa teatrlar salynuyna qatysty jeke tapsyrmalar berılgen.
"Mädeni infraqūrylym jaŋartylyp, aktivter jaŋa alaŋdarmen tolyǧatyny tüsınıktı. Bıraq, bız köne mūrany qataŋ tärtıppen saqtauǧa mındettımız. Osyǧan bailanysty şyǧarmaşylyq ūjymdardaǧy ärıptesterdıŋ mädeni nysandardaǧy maqsatsyz jūmystarǧa qatysty alaŋdauşylyǧyn tüsınemın ärı qoldaimyn.
Ärine, bız olardy tyŋdap, belgılı tūlǧalarmen qoştasu räsımı jiı ötetın teatr qyzmetkerlerınıŋ psiho-emosionaldyq jaǧdaiyna den qoiuǧa tyrysamyz. Sondyqtan bız mümkındıgınşe jaqyndaryna basqa da balama formalar bar ekenın jetkızuge tyrysamyz. Menıŋ oiymşa, köp ūzamai bız keŋestık kezeŋdegıdei mädeniet mekemelerınde eske alu keşterın ūiymdastyru täjıribesınen müldem bas tartamyz", - dedı öz sözınde Aida Balaeva.
Ūqsas jaŋalyqtar
