QR Mädeniet jäne aqparat ministrı Aida Balaeva Dulat İsabekovtıŋ qazasyna köŋıl aitty, dep habarlaidy “Adyrna” ūlttyq portaly.
Aida Balaeva Facebook paraqşasynda:
“Qazaqtyŋ qaitalanbas qalamgerı Dulat aǧamyzdyŋ qazasyna orai küllı qazaq elıne qaiǧyra köŋıl aitamyn.
Ūlttyq ädebietımızdıŋ ūjdany, maqtanyşy, aibary bolǧan Dulat İsabekov qazaq prozasy men dramaturgiiasynyŋ kökjiegın keŋeitken, ädebiet älemınde özındık örnek salǧan bırtuar qalamger edı. Onyŋ şyǧarmalary talai buynnyŋ sanasyna oi salyp, jüregıne jol tauyp, ūlt ruhaniiatynyŋ qazynasyna ainaldy.
Aǧamyzben bız de köp jyldar boiy etene jaqyn aralasyp, aqyl-keŋesı men önegesıne qanyq boldyq. Adami biık qasietterın, daladai keŋ peiılın jaqynnan tanydyq.
Soŋǧy kezderde apamyz ömırden ötkennen keiın köŋılı tüsıp, jany jüdep jürgendei körıngen. Otadan şyqqannan keiın Almatyda arnaiy jaǧdaiyn sūrap barǧanymyzda mūqalmas ruhyna, biık bolmysyna taǧy bır kuä bolyp, älı de köp jas jasaryna tılek etıp edık. Amal qanşa?! Dulat aǧamyzben bırge bır däuır köşkendei.
Degenmen, qalamgerdıŋ ölmes tuyndylary uaqytpen bırge jasai bererıne senemız.
Jazuşynyŋ ölşeusız eŋbegı halyqtyŋ jüregınde, jarqyn beinesı men mol mūrasy ūrpaq jadynda mäŋgı saqtalary sözsız.
Qazaqstan Respublikasy Mädeniet jäne aqparat ministrlıgı men öz atymnan jazuşynyŋ otbasy men tuǧan-tuystaryna taǧy da qaiǧyra köŋıl aitamyn.
Aǧamyzdyŋ jany jännatta, imany salamat bolsyn!” - dep jazba qaldyrdy.
Ūqsas jaŋalyqtar
