Qazaqstanda zaŋsyz ainalymdaǧy qaru-jaraq pen oq-därılerdı anyqtau jäne tärkıleu jūmystary jalǧasyp jatyr. Şymkent pen Petropavl qalalarynda qaru-jaraq jasyrylǧan oryndar tabyldy, dep habarlaidy "Adyrna".
Işkı ıster jäne ūlttyq qauıpsızdık organdary zaŋsyz saqtalǧan qaru-jaraq pen oq-därılerdı anyqtau boiynşa bırlesken ıs-şaralar jürgızıp jatyr.
Şymkent qalasynyŋ Tūran audanynda avtomobil jolynyŋ maŋyndaǧy aryqtan qaru-jaraq jasyrylǧan oryn anyqtaldy. Ol jerden üş aŋşylyq myltyq, şolaq myltyq jäne tapanşa tärkılendı. Tekseru barysynda qarudyŋ bırınıŋ 2022 jylǧy Qaŋtar oqiǧasy kezınde Almatydaǧy qaru-jaraq dükenınen ūrlanǧany anyqtaldy.
Al Petropavl qalasynda aşyq aumaqtan aŋşylyq myltyq, nömırlerı öşırılgen ekı şolaq myltyq, oq ötpeitın keudeşe jäne 27 oq-därı tabyldy.
Işkı ıster ministrlıgı zaŋsyz saqtalǧan qarudy öz erkımen tapsyrǧan azamattar qylmystyq jäne äkımşılık jauapkerşılıkten bosatylatynyn eske saldy.
Būdan bölek, 20 säuırden bastap jyl soŋyna deiın halyqtan zaŋsyz saqtalǧan atys qaruyn, oq-därıler men jarylǧyş zattardy satyp alu aksiiasy ötkızılıp jatyr. Bügınge deiın azamattar şamamen 900 qaru men 6 myŋǧa juyq oq-därını tapsyrǧan.
