Lotereıa: Nege Ernar Aıdar ǵana jaýap berý kerek?

3419

Aptanyń aptyǵy Ernar Aıdardyń qamalýy boldy. Almaty qalasy ekonomıkalyq tergeý departamenti men polıııa qyzmetkerleri áleýmettik jelide jalǵan lotereıa oıynyn uıymdastyrǵandardy anyqtady. Olardyń arasynda elge tanymal ánshi Ernar Aıdar da bar dep aldynda habarlaǵan bolatynbyz.

"Bul top 2020 jyldyń 23 aqpan men 23 sáýir aralyǵynda óte qymbat utys syılyqtaryn - ıaǵnı 4 avtokólik (2 sedan jáne 2 djıp), Almaty qalasynda bir bólmeli páter jáne basqa da turmystyq tehnıkany oınatpaq bolyp, jalǵan lotereıa oıynyn uıymdastyrǵan. Alaıda, joǵaryda kórsetilgen qundy syılyqtar bolmaǵan. Olar lotereıa oıynyna qatysýshylardy sendirý úshin 4 avtokólikti basqa jeke tulǵalardan jalǵa alǵandyǵy anyqtaldy", - delingen resmı taratylǵan habarlamada.

Artynan Ernar Aıdar óziniń ınstagramm paraqshasy arqyly halyqqa úndeý joldap, óziniń alaıaqtarǵa aldanyp qalǵanyn, jelide ózin jazǵyryp jazǵan jurtqa Alla sabyr bersin dep aıaqtaǵan vıdeoúndeýin.

Osy oraıda halyq ta "lotereıa oıynyn ótkizgen tek qana Ernar emes, olardyń ishinde Qaırat Nurtas, Búrkit, Mádına Sadýaqasova, Nurlan Espanov, Aıqyn, Aıgúl Imanbaeva, Sıvı Mahmýdı, Baǵlan Ábdiraıymov, Qaraqat Ábildınalar da bar. Semınar-trenıng ótkizip aqsha taýyp júrgen Aınur Tursynbaeva, Quralaı hanym, Omar Jálel barlyǵy da jaýapqa tartylsyn" dep ashyna jazyp jatyr. Osy kúnge deıin qanshama ánshiler mashına, páter oınatqanynan jelidegi jurt jańylyp qalǵan sııaqty. Ernar Aıdardyń "aty-shýly" lotereıasynda qoıylǵan tórt kólik pen páterdiń bolmaǵanyn, utyp alýshylar ózderiniń "podstavnoı" adamdary bolǵanyn esepke alsaq, basqa ánshiler de osy izben júrgen dep boljam jasaýǵa negiz bar sııaqty.

Biz attary atalǵan "juldyzdardyń" ınstagramm paraqshalaryn bir súzip shyqtyq.  "Aıtystyń aqqýy" atanǵan Aınur Tursynbaevanyń ınsta paraqshasyna mynandaı jarnama salynypty.

Quralaı hanym degen atpen tanymal psıhologtyń ınsta paraqshasyna kirgenimizde eshqandaı jarnama mátinin taba almadyq. Instaparaqshasyna tirkeýli nómirine habarlaspaqshy bolyp basyp edik, avtomatty túrde vatsap nómirine kirdik. Kirgen bette bizge mynandaı mátin shyqty.

Belgili ánshi, qoǵamdaǵy keleńsizdikterdi jasqanbaı aıtyp júrgen Merýert Túsipbaeva óziniń ınstagramm paraqshasynda "Ernardy túsinemin, jas qoı... kórgeni sol bolsa...(?!) Men áli kúnge Roza Rymbaevaǵa elikteımin" degen jazba qaldyrypty.

Astyndaǵy 400-den astam pikirlerdi oqyp, tóbe shashymyz tik turdy. "Halyq Qudaıdyń bir aty" deıtin bolsaq, jurtshylyq qaı ánshi qansha aqshaǵa, qashan lotereıa oınatqanyna deıin jazyp otyr.

Talaı ánshilerdi "juldyz" jasap, teledıdarǵa ákelgen belgili jýrnalıst Arman Sqabyluly osy kúnge deıin lotereıanyń zań boıynsha tıym salsa da toqtamaı turǵanyn, halyqty aldaýdy toqtatý kerektigin talaı márte málimdedi de.

Qasıetti sahnany fanerıkterden tazalap, olarǵa qarsy "qasıetti soǵys" jarııalap júrgen mádenıettanýshy, dástúrli ánshi Erlan Tóleýtaı " Bular men úshin qashanda alaıaq fanerık bolatyn, budan bylaı da, əmanda aferıst bolyp qala bermek" degen jazba qaldyrypty.

 

Kerek derek

«Lotereıalar jáne lotereıa qyzmeti týraly» zańnyń 4-shi babynyń 2-shi jáne 3-shi pýnkterinde bylaı kórsetilgen.

4-bap. Lotereıaǵa qatysýshylar quqyqtarynyń kepildikteri

2) utysty tóleýdi talap etýge quqyly.

      3. Lotereıaǵa qatysýshy lotereıa operatorynyń sheshimderin jáne áreketterin (áreketsizdigin) sotta daýlaýǵa quqyly.

 

Qazir qoldanyp júrgen «Lotereıalar jáne lotereıa qyzmeti týraly» zań 2016 jyly qabyldanǵan. Alaıda qazir ol zań­ǵa enbeı qalǵan birqatar má­sele bary anyqtalyp, aqpan aıynda Mádenıet jáne sport mı­nıstri Aqtoty Raıym­qu­lova Májiliste  norma­tıvtik aktilerge túzetý engizilip, tolyqtyrylýdy usynǵan bolatyn.

Parlament Májilisiniń Tóraǵasy Nurlan Nyǵma­týlın zań jobasyn ekinshi oqylymǵa deıin jan-jaqty jetildirip, tipti zańsyz lotereıa oınatqan adamdardy qylmystyq jaýapkershilikke tartýdy usynǵan bolatyn.

"Adyrna" ulttyq portaly

foto KAZ content Fb paraqshasynan alyndy

Pikirler
Redakııa tańdaýy