Eńbek jáne halyqty áleýmettik qorǵaý vıe-mınıstri 42 500 teńgeniń nege keshiktirilip jatqanyn túsindirdi.
Bul týraly Narıman Muqyshev Instagram paraqshasynda habarlady, - dep jazady QazAqparat.
«Qazir "ótinim" kezeńderiniń birinde turyp qalý máselesi tolyqtaı sheshildi. Ótinimge qatysty saýaldar óte az. Barlyq ótinish tekserilýde.
Qazir tólem taǵaıyndalǵanyna bir aptadan astam ýaqyt ótkenimen, qarajat kómek alýshynyń esepshotyna túspeýi jıi kezdesýde. Buǵan deıin aıtqanymdaı, aqsha is júzinde bir kúnniń ishinde jiberiledi. Esepshotty qate kórsetse túspeıdi. Kópshilik "men bárin durys kórsettim" deıdi.
Alaıda 930 myń ótinimniń esepshoty qate ekeni anyqtalǵan.
Keshigý sebeperi
1) Biz aqshany sizdiń banktegi esepshotyńyzǵa 1 kún ishinde aýdaramyz.
2) Bank tekserip, esepshot qate bolsa aqshany 1 kún ishinde keri qaıtarady .
3) Biz ózimizdiń bazamyzdan aqshany aýdarý úshin ótinim berýshiniń basqa qoldanystaǵy esepshotyn izdeımiz.
Máselen, siz basqa tólem alýyńyz múmkin. Muny sizdi barynsha mazalamaý úshin jasaımyz. Buǵan da bir kún ketedi. Sonyń nátıjesine 900 myń esepshot taptyq.
4) Eger tapsaq, aqshany qaıta jiberemiz (1 kún). Keıde adamdardyń basqa esepshotqa tústi deýiniń sebebi osynda. Aqsha joq dep aıtpastan buryn barlyq esepshottaryńyzdy tekserip alýdy ótinemin.
5) Eger tappasaq, SMS jiberemiz (keshe mundaı 28 myń SMS jiberdik). Oǵan jaýap retinde esepshot nómirin jiberý qajet (1 kún).
Munan ary sizdiń esepshotty qashan bergenińizge baılanysty. Ózderińiz kórip otyrǵandaı, proess bir kúnnen kóp ýaqytty alady. Biraq, bul tólem aýdarýda problema oryn alǵan jaıttarda ǵana», - dedi ol.
Osy rette vıe-mınıstr kez kelgen qyzmettegideı bir nárse anyqtaý qajet bolsa, onda ol qosymsha ýaqytty alatyndyǵyn basa aıtady. «Búgingi kúni tólem jasaýǵa 4 197 336 ótinim qoıyldy. Onyń ishinde 4 126 155 azamatqa tólem jiberildi. Qalǵan 71 181 ótinish boıynsha azamattardyń esepshotyna qarajatty der ýaqytynda aýdarý maqsatynda jumys júrgizilip jatyr. Buǵan deıin tólengen tólemder boıynsha banktermen qosymsha tekserý júrgizilýde. Biz bul jaǵdaıdy kúndelikti monıtorıngilep otyrmyz jáne qajet bolǵanda banktermen jáne proesske jumyldyrylǵan ózge de uıymdarmen birden jumys isteımiz», - dedi Narıman Muqyshev.
