Koronavirustyŋ "omikron" ştammy jahandyq qauıp bolyp tabylady jäne būl virusty jūqtyru jaǧdailarynyŋ sany artady, dep mälımdedı Qasym-Jomart Toqaev. Būl turaly "Adyrna" ūlttyq portaly habarlaidy.
Memleket basşysy Düniejüzılık densaulyq saqtau ūiymynyŋ arnaiy sessiiasynyŋ aşylu saltanatynda söz söiledı.
- Bükıl älemde tez tarala bastaǧan koronavirustyŋ jaŋa nūsqasyna bailanysty aldaǧy aptalarda COVID-19 auruyn jūqtyru jaǧdailary artady. Omikron ştamyn Oŋtüstık Afrika Respublikasynyŋ zertteuşılerı anyqtady jäne būl jaŋa jahandyq qauıp bolyp tabylady, – dedı Toqaev.
Onyŋ aituynşa, pandemiia halyqaralyq yntymaqtastyqtaǧy köptegen kemşılıkterdı körsettı.
- Daǧdarystyŋ äleumettık-ekonomikalyq saldary barlyq deŋgeidegı äleumettık özara ıs-qimyldy qaita qarauǧa äkeldı. Pandemiia yntymaqtastyqqa negızdelgen jaŋa jahandyq közqaras pen biologiialyq syn-qaterlerdı eŋserudıŋ tiımdı jüiesı qajet ekenın rastady, - dedı Qazaqstan Respublikasynyŋ Prezidentı.Keiınırek QR basşysy Düniejüzılık densaulyq saqtau ūiymynyŋ bas direktory Tedros Adhanom Gebreiiuspen kezdeskenı belgılı boldy. Toqaev Gebreiesusty Qazaqstandaǧy COVID-19-ǧa qarsy ıs-qimyl şaralarymen tanystyrdy, halyqty vaksinasiialau jäne qazaqstandyq ǧalymdardyŋ koronavirusqa qarsy preparattardy äzırleuı turaly aitty. Prezident DDSŪ basşysyn qazaqstandyq QazVac vaksinasy turaly habardar ettı. Sondai-aq, ol QazVac-ty mūqtaj elderge beruge daiyn ekenın bıldırdı.
"Adyrna" ūlttyq portaly
