Almatyda 12–14 qazan aralyǧynda jedel ışek infeksiiasynyŋ belgılerımen Respublikalyq fizika-matematika mektebınıŋ 48 oquşysy qalalyq balalar klinikalyq infeksiialyq auruhanasyna jatqyzyldy. Būl turaly qalalyq Qoǧamdyq densaulyq saqtau basqarmasy jazdy, dep habarlaidy «Adyrna» tılşısı.
Taǧy 6 bala internatta oqşaulanyp, därıgerlerdıŋ baqylauynda ekenı aityldy.
«Barlyq balaǧa qajettı medisinalyq kömek tolyq kölemde körsetılıp jatyr. Olardy emdeuge qajet jaǧdai jasalǧan. Nauqastar medisina mamandarynyŋ tūraqty baqylauynda», – delıngen habarlamada.
Basqarmanyŋ mälımetınşe, balalardyŋ jaǧdaiy tūraqty. Olardyŋ eşqaisysy jansaqtau kömegıne mūqtaj emes.
Bastapqyda auruhanaǧa jatqyzylǧan oquşylar sany 47 dep habarlanǧan edı. Oqiǧaǧa bailanysty mekteptıŋ, internattyŋ jäne ashananyŋ jūmysy uaqytşa toqtatyldy.
