Almaty oblysyndaǧy Jäpek batyr auylynyŋ tūrǧyndary jasöspırımder arasynda bolǧan töbelestıŋ bırınşı ret emes ekendıgın aitady, dep habarlaidy «Adyrna» ūlttyq portaly «Astana» telearnasyna sılteme jasap.
Audandyq bılım bölımı Jäpek batyr auylyndaǧy ärtürlı mektepterdıŋ jasöspırımderı töbeles ūiymdastyrǧanyn habarlaǧan bolatyn. Oqiǧanyŋ jelısı boiynşa, jıgıtter futbol oinap, olardyŋ arasynda janjal şyǧyp, ol töbeleske ūlasqan. Töbeles saldarynan bır bala jaraqat alyp, qazır auruhanada jatyr. «Töbeles kezınde bır oquşy zardap şektı, ol qazır Almaty oblysynyŋ balalar auruhanasynda em qabyldap jatyr. Jaǧdaiy jaqsy. Osy töbeleske qatysqan oquşylardyŋ mektep direktorlary jauapqa tartylady», - deidı Almaty oblysy Ile audandyq bılım bölımınıŋ ädıskerı Zarina Baqytjan. Al auyl tūrǧyndary arna tılşılerıne ekı mektep oquşylarynyŋ arasynda mūndai kelıspeuşılık bırınşı ret bolyp otyrǧan joq dep aitty. «Ūldardyŋ arasynda orta degen ūǧym bar. Olar topqa bölınedı. Al būl toptardyŋ arasynda tüsınıspeuşılık tuyndaidy. Soŋǧy ret mūndai kelıspeuşılık osyndai nätijege äkeldı», - deidı Ainūr auylynyŋ tūrǧyny. Poliseiler janjalǧa qatysqan kämeletke tolmaǧandardyŋ barlyq ata-analaryna qatysty QR ÄQBtK-nıŋ 127-baby (Kämeletke tolmaǧan balany tärbieleu, onyŋ qūqyqtary men müddelerın qorǧau jönındegı mındetterdı oryndamau) boiynşa äkımşılık materialdar öndırılgenın habarlady), al kämeletke tolmaǧandardyŋ özderıne qatysty QR ÄQBtK-nıŋ 435-baby (Kämeletke tolmaǧandar jasaǧan būzaqylyq) boiynşa hattamalar toltyryldy. Eske sala keteiık, äleumettık jelıde Almaty oblysynda mektep oquşylarynyŋ jappai töbelesıp jatqan videosy taraǧan bolatyn. Tärtıp saqşylarynyŋ aituynşa, oqiǧa 29 qaraşada oblystyŋ Ile audanynda bolǧan. Tekseru barysynda 9-synyp oquşysy men 10-synyp oquşysy arasynda kelıspeuşılık tuyndap, keiın ol jappai töbeleske ūlasyp ketkenı anyqtaldy.«Adyrna» ūlttyq portaly
Ūqsas jaŋalyqtar
