"Erekshe maqtanysh": Oqýshylarymyz alǵash ret robototehnıkadan dúnıejúzilik jarysta júldeli boldy

2939
Adyrna.kz Telegram

Qazaqstandyq oqýshylar alǵash ret robototehnıka boıynsha dúnıejúzilik jarysta júldeli boldy. Bul týraly QR Oqý-aǵartý mınıstri Ashat Aımaǵambetov habarlady, dep jazady "Adyrna" ulttyq portaly.

"Qýanyshty jańalyq! Oqýshylarymyz kezekti ret óte joǵary deńgeı kórsetip, alǵash ret robototehnıkadan álem olımpıadasynda 2-orynǵa ıe boldy. Jarys Germanııanyń Dortmýnd qalasynda ótti. Shymkent qalasyndaǵy J. Jabaev atyndaǵy №26 memlekettik mektep pen №9 IT-lıeıiniń oqýshylary Imanǵalı Myńjasar men Bıbarys Mıhash jeńimpaz atandy. World Robot Olympiad (WRO) 2004 jyldan beri ótkizilip keledi. Qazaqstan bul olımpıadanyń 2014 jyldan bergi qatysýshysy. Bıyl 73 eldiń 365 komandasy fınalda úzdik ataqqa talasty. Al irikteý kezeńine búkil álem boıynsha 15 000 komanda qatysty. Balalardyń álemdik arenadaǵy jeńisteri erekshe maqtanysh sezimin týdyrady. Jas jáne daryndy jeńimpazdarymyzdy osyndaı joǵary nátıjemen quttyqtaımyn! Sondaı-aq olardyń tálimgerleri men ata-analaryn da quttyqtaımyn! Balalarǵa bıik belesterdi baǵyndyra berýlerine tilektespin!", - dep jazdy mınıstr.

"Adyrna" ulttyq portaly

Pikirler