Batys Qazaqstan oblysynda sý tasqynymen kúres jumystary áli jalǵasyp jatyr. Bul týraly QR TJM málimdedi, dep habarlaıdy “Adyrna” ulttyq portaly.
Málimet boıynsha, tartylǵan qurylymdardyń jedel jumysynyń arqasynda sý basqan 6 úıden sý tolyǵymen soryldy. Bul Syrym jáne Terekti aýdandarynyń evakýaııalanǵan 30-ǵa jýyq turǵynyna óz úılerine oralýyna múmkindik berdi.
Tek ótken táýliktiń ishinde qaýipti ýchaskelerde 4 myńǵa jýyq dana qapqa ınertti materıaldar salynyp tóseldi, 30 myńnan astam tekshe metr sý soryldy, 12 ýchaskede sý burý úshin transheıa qazyldy.
«Qalǵan evakýaııalanǵan 33 adam ýaqytsha evakýaııalaý pýnkterine, 206 adam týystarynyń úılerine ornalastyryldy. 280-den astam aýyl sharýashylyǵy janýarlary qaýipsiz jerlerge aıdaldy.
Tek ótken táýliktiń ishinde qaýipti ýchaskelerde 4 myńǵa jýyq dana qapqa ınertti materıaldar salynyp tóseldi, 30 myńnan astam tekshe metr sý soryldy, 12 ýchaskede sý burý úshin transheıa qazyldy.
Batys Qazaqstan oblysynda sý tasqyny bastalǵannan beri táýlik boıy júrgizilip jatqan jumystar kezinde 340 myń tekshe metr sý soryldy, tartylǵan kúshter ınertti materıaldar salynǵan 25 myńnan astam qapty tósedi», - delingen habarlamada.
Avarııalyq-qutqarý jáne shuǵyl jumystardy júrgizýge Atyraý jáne Mańǵystaý oblystarynan qosymsha tartylǵan TJM kúshteri men quraldarymen, TJM, jergilikti atqarýshy organdardyń, IIM, QM jeke quramnan 1000-ǵa jýyq adam, ınjenerelik tehnıkany, motopompalardy, júzý quraldaryn, tikushaqty qosa alǵanda 400-den astam birlik tehnıka qatysýda.
Múddeli qyzmetter men uıymdar – JAO, Qazsýshar, Qazavtojol ókilderiniń qatysýymen respýblıkalyq jáne oblystyq jedel shtabtar táýlik boıy jumys isteýdi jalǵastyrýda.
