1938 jyly 2 nauryzda Qazaqstannyŋ halyq ärtısı, Qazaqstan men Qyrǧyzstannyŋ eŋbek sıŋırgen öner qairatkerı, Memlekettık jäne Jastar syilyqtarynyŋ jäne täuelsız «Tarlan» syilyǧynyŋ laureaty, professor Raiymbek Noǧaibaiūly Seitmetov düniege keldı.
Oŋtüstık Qazaqstan oblysynyŋ Türkıstan qalasynda tuǧan. Almaty memlekettık öner institutyn bıtırgen. 1970-1971 jyldary Mäskeudegı Memlekettık teatr önerı instituty janyndaǧy joǧary rejisserler kursynda oqyǧan. 1959-1960 jyldary - «Qazaqfilm» kinostudiiasynyŋ akterı. 1960-1980 jyldary - Qazaq memlekettık akademiialyq drama teatrynyŋ akterı, direktory. 1980-82 jyldary Qazaq KSR Mädeniet ministrlıgı Öner ısterı basqarmasynyŋ bastyǧy. 1982-1995 jyldary Qazaq memlekettık akademiialyq jastar men balalar teatrynyŋ bas rejisserı ärı körkemdık jetekşısı bolǧan. 1995 jyldan ömırınıŋ soŋyna deiın Iаssaui atyndaǧy Halyqaralyq qazaq-türık universitetınıŋ «Öner» kafedrasyn basqarǧan. Sahnalyq öner jolynda Äubäkır (Q.Baiseiıtov, Q.Şaŋǧytbaev «Beu, qyzdar-ai»), Arystan, Sūŋǧat (Q.Mūhamedjanov «Böltırık börık astynda», «Qūdaǧi kelıptı»), Qozy (Ǧ.Müsırepov «Qozy Körpeş - Baian sūlu»), Äbış (M.Äuezov, L.Sobolev «Abai»). Şoqan (S.Mūqanov «Şoqan Uälihanov»), Jainaq (Ş.Aitmatov Ana - Jer-ana»), Kochkarev (N.Gogol «Üilenu»), Liuchensio, Kassio (U.Şekspir «Asauǧa tūsau», «Otello») sekıldı är aluan rölderdı oinauda oryndauşylyq şeberlıgımen közge tüstı. Ol rejisserlık qyzmetpen de şūǧyldanyp, Qazaq memlekettık akademiialyq drama teatrynda B.Mailinnıŋ «Neke qiiar», Ä.Tarazidıŋ «Joly bolǧyş jıgıt», Qazaq memlekettık akademiialyq jastar men balalar teatrynda Äuezovtıŋ «Alua», T.Äbdıkovtıŋ «Bız üşeu edık», Ǧ.Müsırepovtıŋ «Aqan serı - Aqtoqty», Ş.Mūrtazanyŋ «Stalinge hat», «Beseudıŋ haty», O.Süleimenov pen B.Mūqaidyŋ «Zamanaqyr», t.b. tuyndylardy qoiǧan.
Teatrǧa ömırın arnaǧan tūlǧa 2007 jyly qaitys boldy.
Türkıstan qalasyndaǧy sazdy-drama teatryna 2017 jyly Raiymbek Seitmetovtyŋ esımı berıldı. Teatr ǧimaratynda 250 adamǧa arnalǧan körermen zaly men mūrajai bar.
https://youtu.be/wu5RigGpUk8
Ūqsas jaŋalyqtar
