QR Ūlttyq muzeiınde Halyqaralyq äielder merekesıne orai Frans Birbaum jäne Karl Faberje ordenderınıŋ (2-därejelı gauhar) iegerı, «ZergerIlyas» brendınıŋ negızın qalauşy Iliias Süleimenovtyŋ «Tūmar täjıcı» körmesı aşyldy, dep habarlaidy muzeidıŋ aqparattyq-imidjdık qyzmetı.
Press-konferensiiamen bastalǧan jiynda söz alǧan Zamanaui öner ortalyǧynyŋ jetekşısı Roza Äbenova älemge äigılı şeber-zerger Iliias Süleimenovtyŋ jūmystary turaly aita kele, olardyŋ erekşelıkterıne toqtalyp öttı. Ūlttyq muzei direktorynyŋ mındetın atqaruşy Jäken Taimaǧambetov, t.ǧ.d., arheolog Viktor Zaibert, R.B. Süleimenov atyndaǧy Şyǧystanu institutynyŋ Bas ǧylymi qyzmetkerı, t.ǧ.d., Şaizada Toqtabaeva körmege qoiylǧan būiymdarǧa joǧary baǧa berıp, pıkırlerın bıldırdı.
- Iliias Süleimenov qazaqtyŋ talantty zergerlerınıŋ bırı. Onyŋ äşekei būiymdarynyŋ qai-qaisyn alsaŋyz da, qazaqtyŋ tarihymen, ūlttyq bolmysymen bailanysyp jatyr. Bügın tanystyrylyp otyrǧan ekı būiymnyŋ da qūndylyǧy öte joǧary. Ūlttyq mädenietımızdıŋ damuyna qosylǧan qomaqty üles dep esepteitın, - dedı J.Taimaǧambetov.
- Tarihqa süienıp otyryp mūndai būiymdardy jasai bılu ärkımnıŋ qolynan kele bermeidı. Ol öz kezegınde tereŋ bılımdı, köp jyldyq täjıribenı qajet etedı. «Tūmar täjısın» mūqiiat baqylap qaraǧan adam, köne tarihty körgen bolar edı. Onyŋ basty qūndylyǧy osynda jatyr dep oilaimyn, - dedı V.Zaibert.
Zerger Iliias Süleimenov Ūlttyq muzeidıŋ töl tuyndylaryna jasaǧan qamqorlyǧyna alǧys bıldıre kele, körmege jinalǧan qonaqtarǧa eŋbekterın tanystyrdy.
- Būl jai ǧana täj emes. Keşegı köne türkı halyqtarynyŋ ūly patşaiymy Tūmardyŋ batyrlyq beinesıne negızdelıp jasalǧan dünie. Osy uaqytqa deiın menıŋ jūmystarym älemnıŋ köptegen elderınde tanystyryldy. Alaida öz Otanym bärınen artyq. Köp jylǧy zertteulerdıŋ nätijesınde daiyn bolǧan ekı jūmysyma da Altyn zalynyŋ törınen oryn berılgenıne quanyştymyn. Ūlttyq muzei tarapynan körsetılgen osynşama qūrmetke dän rizamyn, - dedı I. Süleimenov.
Közdıŋ jauyn alatyn ekı qūndy būiymdy da Ūlttyq muzeidıŋ Altyn zalynan körıp, tamaşalauǧa bolady.
