قر ۇلتتىق مۋزەيىندە حالىقارالىق ايەلدەر مەرەكەسىنە وراي فرانتس بيرباۋم جانە كارل فابەرجە وردەندەرىنىڭ (2-دارەجەلى گاۋھار) يەگەرى، «ZergerIlyas» برەندىنىڭ نەگىزىن قالاۋشى ءىلياس سۇلەيمەنوۆتىڭ «تۇمار ءتاجىcى» كورمەسى اشىلدى، دەپ حابارلايدى مۋزەيدىڭ اقپاراتتىق-يميدجدىك قىزمەتى.
پرەسس-كونفەرەنتسيامەن باستالعان جيىندا ءسوز العان زاماناۋي ونەر ورتالىعىنىڭ جەتەكشىسى روزا ابەنوۆا الەمگە ايگىلى شەبەر-زەرگەر ءىلياس سۇلەيمەنوۆتىڭ جۇمىستارى تۋرالى ايتا كەلە، ولاردىڭ ەرەكشەلىكتەرىنە توقتالىپ ءوتتى. ۇلتتىق مۋزەي ديرەكتورىنىڭ مىندەتىن اتقارۋشى جاكەن تايماعامبەتوۆ، ت.ع.د.، ارحەولوگ ۆيكتور زايبەرت، ر.ب. سۇلەيمەنوۆ اتىنداعى شىعىستانۋ ينستيتۋتىنىڭ باس عىلىمي قىزمەتكەرى، ت.ع.د.، شايزادا توقتاباەۆا كورمەگە قويىلعان بۇيىمدارعا جوعارى باعا بەرىپ، پىكىرلەرىن ءبىلدىردى.
- ءىلياس سۇلەيمەنوۆ قازاقتىڭ تالانتتى زەرگەرلەرىنىڭ ءبىرى. ونىڭ اشەكەي بۇيىمدارىنىڭ قاي-قايسىن الساڭىز دا، قازاقتىڭ تاريحىمەن، ۇلتتىق بولمىسىمەن بايلانىسىپ جاتىر. بۇگىن تانىستىرىلىپ وتىرعان ەكى بۇيىمنىڭ دا قۇندىلىعى وتە جوعارى. ۇلتتىق مادەنيەتىمىزدىڭ دامۋىنا قوسىلعان قوماقتى ۇلەس دەپ ەسەپتەيتىن، - دەدى ج.تايماعامبەتوۆ.
- تاريحقا سۇيەنىپ وتىرىپ مۇنداي بۇيىمداردى جاساي ءبىلۋ اركىمنىڭ قولىنان كەلە بەرمەيدى. ول ءوز كەزەگىندە تەرەڭ ءبىلىمدى، كوپ جىلدىق تاجىريبەنى قاجەت ەتەدى. «تۇمار ءتاجىسىن» مۇقيات باقىلاپ قاراعان ادام، كونە تاريحتى كورگەن بولار ەدى. ونىڭ باستى قۇندىلىعى وسىندا جاتىر دەپ ويلايمىن، - دەدى ۆ.زايبەرت.
زەرگەر ءىلياس سۇلەيمەنوۆ ۇلتتىق مۋزەيدىڭ ءتول تۋىندىلارىنا جاساعان قامقورلىعىنا العىس بىلدىرە كەلە، كورمەگە جينالعان قوناقتارعا ەڭبەكتەرىن تانىستىردى.
- بۇل جاي عانا ءتاج ەمەس. كەشەگى كونە تۇركى حالىقتارىنىڭ ۇلى پاتشايىمى تۇماردىڭ باتىرلىق بەينەسىنە نەگىزدەلىپ جاسالعان دۇنيە. وسى ۋاقىتقا دەيىن مەنىڭ جۇمىستارىم الەمنىڭ كوپتەگەن ەلدەرىندە تانىستىرىلدى. الايدا ءوز وتانىم بارىنەن ارتىق. كوپ جىلعى زەرتتەۋلەردىڭ ناتيجەسىندە دايىن بولعان ەكى جۇمىسىما دا التىن زالىنىڭ تورىنەن ورىن بەرىلگەنىنە قۋانىشتىمىن. ۇلتتىق مۋزەي تاراپىنان كورسەتىلگەن وسىنشاما قۇرمەتكە ءدان ريزامىن، - دەدى ءى. سۇلەيمەنوۆ.
كوزدىڭ جاۋىن الاتىن ەكى قۇندى بۇيىمدى دا ۇلتتىق مۋزەيدىڭ التىن زالىنان كورىپ، تاماشالاۋعا بولادى.
