Búgin Jetisý oblysynyń Panfılov aýdany Jarkent qalasynda «Jaıly mektep» ulttyq jobasy aıasynda salynǵan 1200 oryndy jańa mektep paıdalanýǵa berildi, dep habarlaıdy Jetisý oblysy ákiminiń baspasóz qyzmeti.
Mekteptiń ashylý saltanatyna Jetisý oblysy ákiminiń orynbasary Dıas Esdáýletov, ardager ustazdar, mektep ujymy, ata-analar men oqýshylar, aýdan jurtshylyǵy qatysty.
- Bul – Prezıdent tapsyrmasymen «Jaıly mektep» ulttyq jobasy aıasynda salynǵan oblysymyzdaǵy alǵashqy bilim oshaǵy. Panfılov aýdany – oblystaǵy oqýshy sany kóp aýdandardyń biri. Jańadan paıdalanýǵa berilip otyrǵan bul mektepke Jarkent qalasynyń bala sany kóp 9 mektebinen 1100 jýyq bala qabyldanyp otyr. Osyndaı zamanýı mektepte bilimmen sýsyndaıtyn oqýshylar oblysymyzdan top jaryp shyǵatynyna senimim zor. Mektep ustazdaryna elimizdiń bolashaq bilimdi, eńbekqor patrıottaryn tárbıeleý jolynda sáttilik tileımin! - dedi D. Esdáýletov.
Jańa da jaıly mekteptiń ashylǵanyna ata-analar da qýanyshty.
- Bizdiń Jarkent qalasyna osyndaı jaıly mektep salyp bergenderińiz úshin barsha ata-analardyń atynan alǵys aıtamyz. Meniń qyzym qazir 11 synypta oqıdy. Balalardyń UBT-ǵa, emtıhandarǵa sapaly daıyndalýyna munda barlyq múmkindikter jasalǵan, oqý zaldary bar kitaphanasy, materıaldyq bazasy myqty pán kabınetteri – bári de oqýshylardyń sapaly bilim alýyna óziniń úlken yqpalyn tıgizedi dep oılaımyn, - dedi ata-analar komıtetiniń tóraǵasy Aıdar Bektemiruly.
Munan soń mekteptiń lentasy qıylyp, jınalǵan kópshilik jańa ǵımarattyń ishin aralap kórdi.
Mektep zamanaýı talapqa saı jabdyqtalǵan. Munda 64 kabınet bolsa, onyń 6-y jańa modıfıkaııalyq kabınet, sonyń ishinde hımııa, fızıka, bıologııa, robototehnıka, STEAM kabınetteri, nano tehnologııa t.b. bar. Jalpy barlyq pán kabınetteri qajetti ádistemelik, tehnıkalyq quraldarmen jabyqtalǵan. Sonymen qatar aǵash, metall, tigin jáne basqa da sheberhanalar qarastyrylǵan. Akt zaly, 2 oqý zaly bar kitaphana, 230 oryndy ashana, 2 sport zaly, 1 bı zaly oqýshylardyń ıgiligine qyzmet etedi. Oǵan qosa oqýshylardyń oqý quraldaryna, kıimge arnalǵan jeke shkaftar, sondaı-aq kitap oqýǵa, balalardyń shyǵarmashylyq damýy men demalýyna kovorkıng aımaqtar qarastyrylǵan.
Mektep dırektorynyń mindetin atqarýshy Aıgúl Darýbaevanyń aıtýynsha, qazirgi kezde mektepte 46 jıyntyq klass ashylǵan. Jarkent qalasyndaǵy bala sany kóp toǵyz mektepten synyptar jetekshilerimen birge aýysyp kelgen. Búgingi kúni pedagogter úshin 30 bos oryn, tehnıkalyq qyzmetkerlerge 20 orynǵa konkýrs jarııalanyp, jumysqa qabyldaný ústinde.
- Mekteptegi fızıka, hımııa, bıologııa jáne robototehnıka pánderi boıynsha zamanaýı kabınetterde touch-ekrandar ornatylyp, mekteptiń kez kelgen jerinen jyldamdyǵy joǵary ınternetke qosylý múmkindigi beriledi. Erekshe bilim alýdy qajet etetin balalarǵa tıisti jaǵdaılar jasalǵan. Bastaýysh jáne joǵary synyp oqýshylary mektepte bólek bloktarda oqıdy. Ǵımaratta balalar úshin beınebaqylaý, dybystyq habarlaý jáne basqa da kúsheıtilgen qaýipsizdik sharalaryna arnalǵan jabdyqtar ornatylǵan, - deıdi A. Darýbaeva.
Jalpy bıyl oblysta 5 mekteptiń qurylysy júrdi. Buǵan deıin osy oqý jylynda Kóksý aýdany, Qaratal aýylynda 120 oryndy mektep iske qosylǵan bolsa, jyl sońyna deıin Aqsý aýdany, Kóshkental aýylynda 180 oryndy jańa mektep ashylady. Al qalǵan 2 mektep, ıaǵnı Alakól aýdany, Dostyq aýylyndaǵy 600 oryndy jáne Panfılov aýdany, Taldy aýylyndaǵy 300 oryndy mektepter 2025 jylǵy jańa oqý jylynda iske qosylady dep josparlanǵan.
