Búgin qazaq óneri taǵy bir sańlaǵynan aıyryldy. Elimizge tanymal sazger, halyqaralyq, respýblıkalyq baıqaýlardyń laýreaty Turdyqylysh Iztaev 71 jasqa qaraǵan shaǵynda baqıǵa attandy. Bul týraly Túrkistan oblystyq mádenıet basqarmasy facebook paraqshasynda habarlady.
«Osyǵan oraı marqumnyń týǵan-týystary men ul-qyzdaryna qaıǵyryp kóńil aıtamyz. Marqumnyń jatqan jeri jaıly, ımany salamat bolsyn!» delingen.
Turdyqylysh Iztaev 1949 jyly 30 maýsym kúni Túrkimenstan Respýblıkasynyń Tahtabazar aýdanynda dúnıege kelgen. 1968 jyly Shymkent mýzyka ýchılıesin, 1973 jyly Qurmanǵazy atyndaǵy konservatorııany, 1993 jyly Lenıngradtaǵy N.K. Krýpskaıa atyndaǵy mádenıet ınstıtýtynyń aspıratýrasyn bitirgen.
Eńbek jolyn 1973 Ál-Farabı atyndaǵy Shymkent mádenıet ınstıtýtynda bastap, osy ujymda 1994 jylǵa deıin tabandy qyzmet etti. Halyq aspaptar kafedrasynyń doenti. Sh.Qaldaıaqov atyndaǵy oblysy fılarmonııanyń kórkemdik jetekshisi, halyq aspaptary orkestriniń dırıjeri. Ol 20-dan astam ǵylymı jáne oqý ádistemelik jumystardyń avtory. Ánderi jeke albom bolyp «Mahabbat – ómir» degen atpen jaryq kórdi. Qazaq eline etene tanymal «Nurıkamal» ániniń avtory. Oblystyq máslıhattyń gramotasymen marapattalǵan, oblys ákimi belgilegen «2000 jyldyń eń úzdik kompozıtory» atanǵan.
