AQŞ-tyŋ “Time” jurnaly 2025 jyly baryp köruge tūrarlyq älemdegı eŋ taŋdauly jüz orynnyŋ bırı retınde Qazaq qūsbegılık odaǧynyŋ “Saiatşylar saraiyn” atady, dep habarlaidy “Adyrna” ūlttyq portaly.
Moŋǧoliianyŋ batysynda şalǧai jatqan qazaqtyŋ bır otauy – Baian-Ölgei aimaǧy. Būl jaqta ūlttyq qūndylyq jaqsy saqtalǧan. Sonyŋ bırı – qazaqtyŋ qūsbegılık önerı. Ötken jyly Qazaq qūsbegılık odaǧynyŋ «Saiatşylar saraiy» salynǧan edı.
Baiyrǧy ǧūrpyn būzbai damyp keletın meken biyl “Time” jurnalynyŋ taŋdauly 100 mekenıne kırdı.
“Moŋǧoliianyŋ batysyndaǧy Baian-Ölgei provinsiiasynda jyl saiynǧy «Altyn qyran» festivalı ötetın jerde ǧasyrlar boiy qalyptasqan dästür ömırşeŋ. Altai taularynyŋ bökterınde jaŋa qyranşylar mädeni ortalyǧy jyl boiy qazaq bürkıtşılerın jäne jabaiy tabiǧatty qorǧauşylar men saiahatşylardy qoldau üşın aşyldy.
Kiız üi siiaqty jobalanǧan ortalyqta qonaqtar bürkıt aulau şeberhanalaryna qatysa alady, moŋǧoldyŋ şabandozdyǧy turaly bıle alady, aimaqtyq öner men toqyma būiymdaryn satyp alady jäne osy aimaqta tüneuge bolady. Biletterdı satudan tüsken qarajat Qazaq sūŋqarlary qauymdastyǧynyŋ bas keŋsesı qyzmetın atqaratyn keŋıstıktı saqtauǧa kömektesedı”, dep jazǧan “Time” jurnaly.
Aita ketsek, kiız pışındı ǧimarattyŋ jalpy kölemı – 120 şarşy metr. Ülken jäne ışkı ekı ordadan tūrady. Ülken ordanyŋ biıktıgı 4,5 metr bolsa, diametrı 12 metr eken. Al ışkı ordanyŋ diametrı 6 metr. Syrtynan qaraǧanda qazaqtyŋ qos kiız üiın iyqtastyryp tıkken siiaqty. Bıraq arasyn ötkel siiaqty jalǧap tūrǧan taǧy bır bölık bar.
«Moŋǧoliiadaǧy bürkıtşıler qauymynda būryn soŋdy mūndai jinalatyn oryn bolmaǧan. Qor köp jyldyq jospardan keiın ortalyqty ıske qosu üşın Qazaq sūŋqarşylar qauymdastyǧymen, sondai-aq Köşpelı ekspedisiialarmen, Moŋǧoliianyŋ jabaiy tabiǧatty zertteu jäne qorǧau ortalyǧymen jäne Baian-Ölgii ükımetımen tyǧyz jūmys jasady”, dep jazady basylym.
