Bıyl Qazaqstannyń halyq jazýshysy, dramatýrg Qýandyq Shańǵytbaevtyń týǵanyna 100 jyl tolyp otyr, dep habarlaıdy «Adyrna» tilshisi.
Kórnekti tulǵa 1925 jyldyń 21 naýryzynda Aqtóbe oblysynyń Qarabutaq aýdanynda dúnıege kelgen. Qazaq memlekettik ýnıversıtetin (qazirgi QazUÝ — red.) bitirgen.
1944–1955 jyldary Aqtóbe pedagogıkalyq ınstıtýtynda kafedra meńgerýshisi, oblystyq «Soıalıstik jol», «Aktıýbınskaıa pravda» gazetterinde bólim meńgerýshisi, 1955–1973 jyldary «Qazaq ádebıeti» gazetinde, «Juldyz» jýrnalynda bas redaktordyń orynbasary, bas redaktor, «Qazaqfılm» kınostýdııasynda, Qazaq radıosynda bas redaktor qyzmetterin atqarǵan.
Alǵashqy kitaby «Ar» degen atpen 1945 jyly jaryq kórdi. Keıin «Óleńder», «Aqqý áni», «Stıhı», «Arma, respýblıkam», «Lırıka», «Jyr jahany», «Gúltolqyn», «Sarshatamyz» «Jyl qusy», «Mahabbat pen ǵadaýat» lırıkalyq kitaptary oqyrmandarǵa usynyldy.
Qýandyq Shańǵytbaev — kóptegen án óleńiniń avtory. A. S. Pýshkınniń «Evgenıı Onegın» romanyn (1949, 1986), M.Iý.Lermontov, I.V.Gete, R.Berns lırıkalaryn, O.Haıamnyń rýbaıattaryn, M.Gorkııdiń «Qyz ben ajal» poemasyn (1941) qazaq tiline aýdardy. Ol aýdarmashylyq qyzmeti úshin Halyqaralyq Pýshkın syılyǵyna ıe boldy.
