Özın antifaşist qaharman, internasionalist küresker beinesınde jarnamalap jürgen Bahytjan Kopbaev pen onyŋ ärıptesı Anna Nevskaia Resei telearnalarynyŋ bırıne bergen sūhbatynda «Qazaqstanda faşizm bas köterdı» degen edı. (https://www.youtube.com/watch?v=NeSvq15FBec&t=10s).
«Būlardyŋ däl osyndai tūjyrym jasauynyŋ sebebı ne?» degen saualǧa internet jelısınen jauap ızdedık. Söitsek, ärtıŋgı jyldary Manas Bestaev atty maskünem, qazaq tılınen maqūrym şalaqazaq «Orys älemın» bylapyt sözdermen balaǧattap, «Bır kezde sender qazaq ūltynyŋ jartysyn qyryp tastaǧansyŋdar, sol üşın senderdı keskılep öltıremız! Tıptı senderdı keskılep öltırmei-aq aştyqpen qyramyz!» dep şatpaqtaǧan körınedı. Mas küiındegı sandyraǧy üşın sol baiǧūs barynşa sazaiyn tartypty: tal tüste bırneşe adam jabylyp soiylmen esınen tandyra ūryp, soqqyǧa jyǧyp ketken! (https://www.youtube.com/watch?v=6P6GvsGd83c). Äleumettık jelı qoldanuşylary da oǧan ses körsetu auanymen jauap qaitarypty. Ärine, qūqyq qorǧau organdary tarapynan da ol tiıstı jazasyn aldy.
Al B. Kopbaev bolsa qaidaǧy bır maskünemnıŋ äreketın özın jarnamalauǧa äkkılıkpen paidalana qoiǧan. Söitıp, iutub arnasy arqyly saiasi mälımdeme jasaǧan!..
Ol öz keudesın ūrǧylap kıjıne söilep, M. Bestaevtyŋ sözderın qazaq faşisterı ideologiiasynyŋ bır körınısı retınde sipattap, saiasi baǧa berdı!.. Qazaqstan Prezidentı äkımşılıgı, «Nūr Otan» men kommunister partiialary, ışkı saiasat basqarmalary, ūlttyq qauıpsızdık komitetı qazaq faşisterıne köz jūmyp otyr degen paiymdauyn jariia etıp, olardy da aiyptaǧan! Esın bılmegen kezde «Atyŋ şyqpasa – jer örte» degen ūstanymdy būlǧaŋdatqan älgı äŋgüdıktı tıptı kezdesuge şaqyryp, «sybaǧasyn» beruge uäde etıptı! Almatyda alkogoldı ışımdıkke sylqiia toiyp alyp, körşılerımen töbelesıp jürgen «faşist» Manas Bestaev «antifaşist» Bahytjan Kopbaevpen küş synasu üşın Şymkentke barmaityny beseneden belgılı emes pe... (Onyŋ būl äreketın iutubtan köre alasyzdar).
Osy tūsta eske alatyn bır jait, tıl janaşyry Marǧūlan Boranbai qazaq tılın keleke qylǧan orysşa beinejazbasy üşın sol M. Bestaevty jelkesınen ūstap tūryp halyqtan keşırım sūratty (https://www.youtube.com/watch?v=i7CAAIqlC_A&t=47s).
Bahytjan Kopbaev olai ıstemese de, tuǧan halqyn da ǧaibattaǧan sümelektı ūlttyq-faşistık ideologiiany taratuşy saiasi radikaldy ūiymnyŋ körnektı ökılı siiaqty sipattap äleumettık jelıden jar saldy! Onysyn tüsınemız, özıne saiasi bedel jinaudy közdegen «antifaşist» köşede jürgen alkogoliktermen küreske tüspeidı ǧoi...
Äitse de, Reseide faşizmdı aşyq därıptep, orys emes ūlttardyŋ, äsırese Orta Aziia, Qazaqstan, Kavkaz halyqtary ökılderın qoǧamdyq oryndarda aiausyz ūryp-soǧyp, tıptı öltırıp ketetın skinhedter jaiynda atyşuly «antifaşistıŋ» bır auyz söz aitpauy bızge tüsınıksız.
Ärıptesı Anna Nevskaia da Bahytjan Köpbaevtyŋ osyndai ıs-äreketterın tüsınbeuıne bailanysty onymen ıstes boludan bas tartqan siiaqty. Äiteuır, ol feisbuk paraqşasynda İnternasionalister qozǧalysynyŋ Nūr-Sūltan, Almaty, Atyrau, Qaraǧandy, Qostanai, Kökşetau, Balqaş, Petropavel, Şymkent qalalary filialdarynyŋ da B. Kopbaevtyŋ ūiymynan bölektenıp, basqa baǧytta jūmys ısteitının jazypty.
Solai bola tūra, Baqytjan Kopbaev Kerekuge kelgen saparynda özı kösemdık etıp jürgen «İnternasionalisterdıŋ qazaqstandyq qoǧamy» ūiymynyŋ oblystyq filialyn qūrǧanyn aitty. Demek, aldaǧy uaqytta ol Kerekuden «qazaq faşisterın» anyqtap, solarǧa qarsy soǧys jariialaityny jönınde mälımdeme jasasa, taŋ qalmaimyz...
Arman QANİ, Pavlodar qalasy.
Ūqsas jaŋalyqtar
