Pavlodar oblysynda qaraqurttardyń tabylýyna baılanysty tótenshe jaǵdaı jarııalanýy múmkin, - dep habarlaıdy "Adyrna" ulttyq portaly oblystyq TJD-ǵa silteme jasap.
TJD qyzmetkerleri 2024 jylǵy 5 tamyzda Baıanaýyl ulttyq tabıǵı parkinde qaraqurttardyń paıda bolýy týraly aqparatty jarııalaǵan. Baıanaýyl aýdanynyń ákimi Pavlodar oblysynyń tabıǵı parki jáne Tótenshe jaǵdaılar departamentiniń qyzmetkerlerimen birlesip, qaraqurttardyń mekendeıtin jerlerin zertteý úshin Toraıǵyr aýylyna barýdy júzege asyrdy.
Oblystyq TJD-nyń resmı habarlamasynda:
"Zertteý barysynda, Toraıǵyr kóliniń boıyndaǵy shópter men ósimdikterdiń arasynan qaraqurt órmekshileri, jumyrtqalary, qabyqtary tabyldy. Pavlodar oblysynyń Tótenshe jaǵdaılar departamenti tótenshe jaǵdaılardyń aldyn alý jáne joıý jónindegi komıssııanyń kezekten tys otyrysyn ótkizýge bastamashylyq jasaıdy", - delingen.
