Ulttyq uǵym-túsinikterimizdiń túbine balta shabýdy kózdegen aǵymdardyń qarasy kún sanap artyp keledi. Osyǵan oraı, «Adyrna» ulttyq-etnografııalyq portaly «Dinı sektalar nelikten salt-dástúrge qarsy?» degen taqyrypta saýalnama uıymdastyrǵan bolatyn. Saýalnamaǵa «Adyrnanyń» júz elýge tarta oqyrmany at salysty. Óz pikirin bildirýshilerdiń basym bóligi aǵymdar «eldiń óz tamyrynan úzilgenin qalaıtyndyǵyn» quptapty (50 paıyz). «Ańqaý elge – aramza molda» (28 paıyz) dep esepteýshilerdiń sany da barshylyq eken. Saýalnamaǵa qatysýshylardyń 13 paıyzy «túpki múddeleri qazaqqa jat» degen kúdikteriń jasyrmaıdy. Salt-dástúrdi «dinı ustanymdarǵa sáıkes kelmeıdi» (9 paıyz) dep topshylaıtyn jurt ta joq emes eken.
Qazaq halqynyń baı murasy, bolashaǵy salt-dástúrinde, ulttyq qundylyqtarynda jatyr. Qazaqy bolmysymyzdy qorǵaýdy qazirden oılamasaq, keıin tipti kesh bolady-aý…
«Adyrna».
