ۇلتتىق ۇعىم-تۇسىنىكتەرىمىزدىڭ تۇبىنە بالتا شابۋدى كوزدەگەن اعىمداردىڭ قاراسى كۇن ساناپ ارتىپ كەلەدى. وسىعان وراي، «ادىرنا» ۇلتتىق-ەتنوگرافيالىق پورتالى «ءدىني سەكتالار نەلىكتەن سالت-داستۇرگە قارسى؟» دەگەن تاقىرىپتا ساۋالناما ۇيىمداستىرعان بولاتىن. ساۋالناماعا «ادىرنانىڭ» ءجۇز ەلۋگە تارتا وقىرمانى ات سالىستى.ء وز پىكىرىن بىلدىرۋشىلەردىڭ باسىم بولىگى اعىمدار «ەلدىڭ ءوز تامىرىنان ۇزىلگەنىن قالايتىندىعىن» قۇپتاپتى (50 پايىز). «اڭقاۋ ەلگە – ارامزا مولدا» (28 پايىز) دەپ ەسەپتەۋشىلەردىڭ سانى دا بارشىلىق ەكەن. ساۋالناماعا قاتىسۋشىلاردىڭ 13 پايىزى «تۇپكى مۇددەلەرى قازاققا جات» دەگەن كۇدىكتەرىڭ جاسىرمايدى. سالت-ءداستۇردى «ءدىني ۇستانىمدارعا سايكەس كەلمەيدى» (9 پايىز) دەپ توپشىلايتىن جۇرت تا جوق ەمەس ەكەن.
قازاق حالقىنىڭ باي مۇراسى، بولاشاعى سالت-داستۇرىندە، ۇلتتىق قۇندىلىقتارىندا جاتىر. قازاقى بولمىسىمىزدى قورعاۋدى قازىردەن ويلاماساق، كەيىن ءتىپتى كەش بولادى-اۋ…
«ادىرنا».
