QR Prezidentı janyndaǧy Ortalyq kommunikasiialar qyzmetınde ötken brifing barysynda ŞQO äkımı Danial Ahmetov auyl ömırın jandandyryp, şekara maŋynda ornalasqan auyldardaǧy mäseleler men tūrǧyndar sanynyŋ azaiuyn şeşuge basa nazar audaru qajettıgın atap öttı.
Aǧymdaǧy jyly törtınşı deŋgeilı biudjetke köşken audan ortalyqtary men 100 auyldyq okrugte auqymdy abattandyru jūmystary jürgızıldı. Osy maqsatta 4,2 mlrd teŋge bölındı. Oǧan aulalardy körkeitu, saiabaqtar men demalys oryndaryn, sondai-aq balalarǧa arnalǧan oiyn alaŋdary men sport alaŋdary salyndy.
Sonymen qatar "Auyl - el besıgı" baǧdarlamasynyŋ aiasynda 4 tırek eldı meken Glubokoe, Kökpektı, Kürşım, Ürjar auyldarynda jalpy somasy 3,5 mlrd teŋgenı (onyŋ ışınde 1,9 mlrd teŋge respublikalyq biudjet esebınen) qūraityn 8 joba jüzege asyryluda.
Kürşım men Ürjar auyldaryndaǧy köşelerge ortaşa jöndeu jūmystary jürgızılıp, jabyq basseinder salynuda. Glubokoe kentınde mädeniet üiınıŋ qūrylysy jürgızılude. Al Kökpektı auylynda dene şynyqtyru jäne sauyqtyru keşenı salynuda. Osylaişa, 26,5 myŋ tūrǧyn jaŋadan boi köteretın ǧimarattarmen qamtamasyz etılmek.
2026 jylǧa deiın öŋırdegı 116 tırek auylda auqymdy jūmystar jürgızıledı. Auyldardy körkeituge käsıporyndar men biznesmender de üles qosuda. "Tuǧan jer" baǧdarlamasy aiasynda qūny 1,7 mlrd teŋgenı qūraityn 258 äleumettık joba ıske asyryluda. Onyŋ ışınde 162-sı "Äleumettık kartalar bastamasy" atty respublikalyq interaktivtı platformasyna özgerıster engızbek. Osy maqsatta 230 köpbalaly otbasyǧa 558,5 mln teŋge; oblys ortalyǧyndaǧy Mendeleev köşesın qaita jaraqtauǧa 260 mln teŋge; Kurchatovtaǧy jabyq basseindı saluǧa 117 mln teŋge; Tarbaǧatai audany, Aqjar auylyndaǧy saiabaq qūrylysyna 20 mln teŋge; Semeidegı futbol alaŋyn saluǧa 15 mln teŋge jūmsalady. Aimaq basşysynyŋ aituynşa, qazırgı künı "Ruhani jaŋǧyru" baǧdarlamasynyŋ "Auyl - el besıgı" atty arnaiy jobasy aiasynda Kürşım, Tarbaǧatai, Katonqaraǧai, Zaisan, Ürjar siiaqty şekaralyq audandarda bes jyldyq baǧdarlama äzırlenude. Josparǧa säikes auyl şaruaşylyǧyndaǧy infraqūrylym damyp, bılım beru men densaulyq saqtau, käsıpkerlık salalary örkendep, jaŋa jūmys oryndary aşylady.
Osy maqsatta eŋ aldymen auyldardaǧy äleumettık ortany damytu maqsatynda "Auyl - el besıgı" baǧdarlamasy aiasynda tiıstı jūmystar atqaryluda.
«Adyrna» portaly
Ūqsas jaŋalyqtar
