«Aq jol» partııasynyń depýtaty Keńes Absatırov vıe-Premer Berdibek Saparbaevqa «Kúndelik» qosymshasynda aqaýlardyń bolýyna baılanysty ony ýaqytsha toqtatý jónindegi depýtattyq saýalyn joldady.
Bul «Aq jol» frakııasynyń atalmysh aqparattyq qosymshaǵa baılanysty jibergen alǵashqy saýaly emes ekenin aıtyp ótý kerek.
Frakııaǵa kelip túsken saılaýshylardyń shaǵymyna (23 qazandaǵy) qaraǵanda, máseleniń áli de sheshilmegenin kóremiz.
«Toqsan aıaǵynda muǵalimder oqýshylardyń qorytyndy baǵasyn qoıýy shart. Al, Bilim jáne ǵylym mınıstrliginiń «Kúndelik» elektrondy jýrnalyn ýaqytyly toltyrý jónindegi talabyn saıttaǵy aqaýlardyń kesirinen oryndaý múmkin bolmaı jatyr. Vedomstvoda muǵalimderdiń «Kúndelikti» bir ýaqytta toltyrǵanda saıttyń qatyp qalatynyn eskermegen bolý kerek», - delinedi saýalda.
«Eger júıe mundaı salmaqty kótere almaıtyn bolsa, onda ony elimizdiń árbir túkpir-túkipirine engizýdiń qajeti ne? Ári bul máseleniń jyl saıyn kóteriledi!
Elimizdegi 700-deı mektepte ınternet álsiz, al 100 shaqty mektep ǵalamtorǵa múldem qosylmaǵan. «Kúndelik» portalyndaǵy aqaýlarǵa baılanysty muǵalimder ony túngi ýaqytta toltyrýǵa májbúr.
Aýyl muǵalimderi bolsa, ınternettiń joqtyǵynan aýdan ortalyqtaryna baryp, ne «Kúndelikti» qaladaǵy týys-týǵandary arqyly telefonmen toltyrýda.
Júıe 500 suraýdan keıin toqtap qalyp jatyr. Elimizde 2 mln 800 myń oqýshy bar desek, árbir mınýt saıyn saıtqa eki myń suranym túsedi. Iaǵnı, teorııalyq turǵyda júıeniń tolyqqandy jumys isteýge qaýharsyz ekenin aıtýǵa bolady», − dedi Keńes Ǵaparuly.
Depýtatty, sondaı-aq, qosymshada kúmán týǵyzar jarnamanyń ornatylýy alańdatady. Mysaly, 20 qazan kúni, qosymshada emtıhan tapsyrýǵa arnalǵan hrıstıandyq duǵanyń, Injildiń, ıkonalardyń jáne t.b. dinı atrıbýtıkanyń jarnamasy turǵan.
«Aq jol» dinı nasıhattyń ta, oqý proesindegi kez kelgen jarnamanyń da «Bilim berý týraly» Zańyna qaıshy keletinine senimdi. Eger bul hakerlerdiń áreketi bolsa, onda ol qosymshanyń álsiz ekenin qaıta dáleldeıdi. Bul fakt, «Aq jol» partııasynyń 2018 jylǵy 11 sáýir men 2019 jylǵy 30 qańtarynda joldaǵan saýaldarynda kóterilgen − bizdiń balalarymyzdyń jeke málimetterin qorǵaý máselesine ákeledi.
«Aq jol» partııasy joǵaryda aıtylǵan máselelerdi eskere otyryp, elimizdegi barlyq mektep ınternetke qosylmaıynsha, «Kúndelik» qosymshasyn mindetti paıdalaný talabyn shegere turýdy suraıdy. Osy aralyqta júıeni qaýipsizdik jáne aqaýdy jóndeý turǵysynan jetildirý kerektigin de aıtty.
