Dushpan – tazy, biz – túlki,
Qashsaq, erikke qoımaıdy,
Inge kirsek, sýyryp,
Bir pálege jolyqtyq
Qulǵanadaı qadalǵan.
Bul ne degen ǵalamat,
Qazynasy keń Qudaıym,
Saqtaǵaısyń salamat!
Salamat qaıtip saqtasyn:
Berseń, túgel kelmeıdi
Bazarǵa qosqan amanat.
Bolmasa edik masqara,
Baıdan ketip saqaýat,
Paqyrdan ketip qanaǵat.
Dini basqa bireýler
El bıledi aralap.
Bir páleden myń pále
Ósip ketti balalap.
Zamana qaıtip túzelsin:
Qońsydan týǵan bı boldy,
Bu syqyldy kúı boldy,
Kórgen jurtqa tań boldy.
Azamat erdiń balasy
Aıdaryna maly joq,
Top kórerge zar boldy.
Qara kisi han boldy,
Qospaqtan týǵan qortyqsha
Qatarǵa shyǵyp nar boldy.
Asylzada balasy,
Dáýleti ketip qolynan,
Qońsysyna qul boldy.
Asylsyzdyń balasy,
Aqshasyna súıenip,
Aıtqan sózi pul boldy.
Zamananyń adamy,
Zamanyń mundaı sum boldy!
Men qaýip etkennen aıtamyn:
Aq boryqtaı ıilgen,
Keıingi týǵan balanyń
Ustaı ma dep bilegin,
Shaıa ma dep júregin,
Shashyn, murtyn qoıdyryp,
Ay sýǵa toıdyryp,
Buza ma dep reńin.
Adyra qalǵyr zamannyń
Men jaratpaımyn súreńin!..
