Qazaqstan Prezidentı Qasym-Jomart Toqaevtyŋ qatarlyq Al Jazeera telearnasyna bergen sūhbaty tarady. Memleket basşysy ekskliuziv sūhbatynda elımızdı sifrlandyru mäselesıne toqtaldy, dep habarlaidy “Adyrna” ūlttyq portaly.
“Qazaqstan IT-industriiasy men sifrlyq infraqūrylymda jaqsy jetıstıkke jettı. Sızder 20 myŋ şaqyrymnan astam optikalyq-talşyqty jelı tarttyŋyzdar. Astanada ortalyq qūryldy, 2023 jyly IT-tehnologiialar eksporty 280 mln-nan astam dollarǧa artty. Degenmen älı de bolsa mäseleler bar. Qazaqstan startaptar üşın biurokratiialyq kedergılerdı, kei jaǧdaida mamandar jetıspeuşılıgı men zertteulerge jäne äzırlemelerge arnalǧan tömen şyǧystarǧa qatysty mäselelerdı qalai şeşpek?” dep Al Jazeera telearnasy Memleket basşysyna sūraq qoidy.
Prezident Qazaqstannyŋ bolaşaqta tolyqqandy sifrly elge ainaluyna at salysatynyn aita kettı.
“Būl da kün tärtıbınde tūrǧan mäselelerdıŋ bırı. Bıraq bız būl baǧytta aitarlyqtai jetıstıkke jettık. Eŋ aldymen aqyldy kompiuter jasadyq. Ol taiauda ǧana tanymal şeteldık kompaniialarmen tyǧyz yntymaqtastyqtyŋ arqasynda Qazaqstanǧa jetkızıldı. Osynau asa maŋyzdy ıste bızdıŋ strategiialyq serıktesımız bolǧany üşın olarǧa öte rizamyz. Būǧan deiın aitqanymdai, bızdıŋ basymdyǧymyz – sifrlandyru. Armanym – Qazaqstannyŋ bolaşaqta tolyqqandy sifrly elge ainaluy”, dedı Toqaev.
