Ortalyq jáne jergilikti organdardyń qysqy jylytý maýsymyna daıyndyǵyn tekserý úshin komıssııa qurylatyn boldy. Bul týraly Aqordanyń baspasóz qyzmeti málimdedi, dep habarlaıdy “Adyrna” ulttyq portaly.
«Memleket basshysy Prezıdent Ákimshiligi Basshysynyń birinshi orynbasary Tımýr Súleımenovtiń jetekshiligimen ortalyq jáne jergilikti organdardyń qysqy jylytý maýsymyna daıyndyǵyn tekserý úshin komıssııa qurýdy tapsyrdy», - delingen habarlamada.
Komıssııa quramyna Bas prokýratýranyń, Joǵary aýdıtorlyq palatanyń, Sybaılas jemqorlyqqa qarsy is-qımyl agenttiginiń jáne basqa da ýákiletti memlekettik organdardyń ókilderi kiredi.
Prezıdent jumysty on kún ishinde naqty qorytyndylarmen jáne usynystarmen aıaqtaýdy tapsyrdy.
