Prezıdent Qasym-Jomart Toqaev qazaqstandyqtardy Táýelsizdik kúnimen quttyqtady, dep habarlaıdy «Adyrna» ulttyq portaly Aqordaǵa silteme jasap.
«Biz osy mereıli merekede halqymyzdyń bostandyq týraly armanyn aqıqatqa aınaldyrýǵa ólsheýsiz úles qosqan erlerdiń rýhyna taǵzym etemiz.
Táýelsizdik bárinen qymbat! Ony tabysty ári baqýatty memlekettiń tiregi sanalatyn qasterli qundylyq retinde kózdiń qarashyǵyndaı saqtaý – ata-babalarymyzdyń jáne keler urpaqtyń aldyndaǵy qasıetti boryshymyz.
Barshańyzǵa zor densaýlyq, baq-bereke jáne tolaǵaı tabys tileımin!
Kók týymyz máńgi jelbireı bersin!
Táýelsizdigimiz baıandy bolsyn!», - dedi memleket basshysy.
Eske sala keteıik, Prezıdenttiń usynysymen Táýelsizdik kúni - Jeltoqsan oqıǵasyn eske alý kúni retinde bekitilgen bolatyn.
«Adyrna» ulttyq portaly
