قازاقستان پرەزيدەنتى قاسىم-جومارت توقاەۆتىڭ قاتارلىق Al Jazeera تەلەارناسىنا بەرگەن سۇحباتى تارادى. مەملەكەت باسشىسى ەكسكليۋزيۆ سۇحباتىندا ەلىمىزدى تسيفرلاندىرۋ ماسەلەسىنە توقتالدى، دەپ حابارلايدى “ادىرنا” ۇلتتىق پورتالى.
“قازاقستان ءىت-يندۋسترياسى مەن تسيفرلىق ينفراقۇرىلىمدا جاقسى جەتىستىككە جەتتى. سىزدەر 20 مىڭ شاقىرىمنان استام وپتيكالىق-تالشىقتى جەلى تارتتىڭىزدار. استانادا ورتالىق قۇرىلدى، 2023 جىلى ءىت-تەحنولوگيالار ەكسپورتى 280 ملن-نان استام دوللارعا ارتتى. دەگەنمەن ءالى دە بولسا ماسەلەلەر بار. قازاقستان ستارتاپتار ءۇشىن بيۋروكراتيالىق كەدەرگىلەردى، كەي جاعدايدا ماماندار جەتىسپەۋشىلىگى مەن زەرتتەۋلەرگە جانە ازىرلەمەلەرگە ارنالعان تومەن شىعىستارعا قاتىستى ماسەلەلەردى قالاي شەشپەك؟” دەپ Al Jazeera تەلەارناسى مەملەكەت باسشىسىنا سۇراق قويدى.
پرەزيدەنت قازاقستاننىڭ بولاشاقتا تولىققاندى تسيفرلى ەلگە اينالۋىنا ات سالىساتىنىن ايتا كەتتى.
“بۇل دا كۇن تارتىبىندە تۇرعان ماسەلەلەردىڭ ءبىرى. بىراق ءبىز بۇل باعىتتا ايتارلىقتاي جەتىستىككە جەتتىك. ەڭ الدىمەن اقىلدى كومپيۋتەر جاسادىق. ول تاياۋدا عانا تانىمال شەتەلدىك كومپانيالارمەن تىعىز ىنتىماقتاستىقتىڭ ارقاسىندا قازاقستانعا جەتكىزىلدى. وسىناۋ اسا ماڭىزدى ىستە ءبىزدىڭ ستراتەگيالىق سەرىكتەسىمىز بولعانى ءۇشىن ولارعا وتە ريزامىز. بۇعان دەيىن ايتقانىمداي، ءبىزدىڭ باسىمدىعىمىز – تسيفرلاندىرۋ. ارمانىم – قازاقستاننىڭ بولاشاقتا تولىققاندى تسيفرلى ەلگە اينالۋى”، دەدى توقاەۆ.
