Memleket basşysy Qasym-Jomart Toqaev pravoslav hristiandaryn Rojdestvo merekesımen qūttyqtady. Qūttyqtau sözı Aqorda jariialady, dep habarlaidy “Adyrna” ūlttyq portaly.
«Qūrmettı otandastar!
Elımızdıŋ barşa pravoslav hristiandaryn Rojdestvo merekesımen qūttyqtaimyn!
Jūrtqa jaqsylyq pen ümıt syilaityn osy jarqyn meiramda dındar jandar adami qūndylyqtarǧa qyzmet etu jolynda özara bırıgedı.
Rojdestvoda azamattar erekşe quanyşqa bölenedı, pravoslav dının ūstanatyn adamdar jaqyndaryna qamqorlyq körsetıp, mūqtaj adamdarǧa janaşyrlyq tanytuǧa asyǧady.
Pravoslav dını eldıŋ berekelı bırlıgı men yrysty yntymaǧyn nyǧaita tüsuge, jalpyūlttyq bıregeilıgımızdıŋ özegı sanalatyn otanşyldyq, jasampazdyq jäne jauapkerşılık siiaqty qūndylyqtardy därıpteuge mol üles qosyp keledı.
Qoǧamdaǧy tatulyq pen tüsınıstık Qazaqstannyŋ tūraqty damuynyŋ myzǧymas tıregı bolyp qala beretınıne kämıl senemın.
Elımızdıŋ pravoslav hristiandaryna zor densaulyq, baq-bereke jäne tolaǧai tabys tıleimın! Rojdestvo merekesı qūtty bolsyn!» - dedı Prezident.
Ūqsas jaŋalyqtar
