Qazaqstanda Qylmystyq kodekstıŋ jaŋa 125-1-baby («Neke qiiuǧa mäjbürleu») boiynşa alǧaşqy ekı qylmystyq ıs tırkeldı, dep habarlaidy "Adyrna" ūlttyq portaly QazTAG-qa sıltep.
Ekı jaǧdaida da jäbırlenuşı retınde kämeletke tolmaǧandar jasöspırımder tırkelgen.
«Äielderdıŋ qūqyqtaryn qorǧaudy küşeitu maqsatynda qabyldanǧan zaŋ aiasynda neke qiiuǧa mäjbürleu üşın qylmystyq jauapkerşılık engızıldı. Osy bap boiynşa alǧaşqy qylmystyq ıster Şymkent qalasynda jäne Qyzylorda oblysynda tırkeldı. Ekı jaǧdaida da jäbırlenuşıler kämeletke tolmaǧandar bolyp tabylady», – delıngen Bas prokuratura habarlamasynda.
Zaŋǧa säikes, äieldı zorlyq-zombylyq körsetu nemese mülıktı joiumen qorqytu arqyly nekege mäjbürlegen adamǧa 2 000 ailyq eseptık körsetkışke deiın (7,86 mln teŋge şamasynda) aiyppūl, ne osyndai mölşerde tüzetu jūmystary, nemese ekı jylǧa deiın bas bostandyǧyn şekteu ne aiyru jazasy qarastyrylǧan.
Eger äreket saldarynan auyr zardaptar tuyndasa, jaza 10 jylǧa deiın bas bostandyǧynan aiyruǧa deiın küşeitıledı.
«Atalǧan faktıler boiynşa tergeu amaldary jürgızılıp jatyr. Ister prokuratura organdarynyŋ erekşe baqylauynda», – dep mälımdedı Bas prokuratura.
Eske sala keteiık, osyǧan deiın Qazaqstanda stalkingke (qudalau) qatysty jaŋa bap küşıne engennen keiın de ekı qylmystyq ıs qozǧalǧan bolatyn.
