Memleket basshysy Qasym-Jomart Toqaev «Kóppolıarly álemdegi eýrazııalyq ıntegraııa» atty Eýrazııalyq ekonomıkalyq forýmda birqatar mańyzdy baǵyttarǵa toqtaldy. Eýrazııalyq ekonomıkalyq odaqtyń ózge eldermen yntymaqtastyǵy jaıly sóz qozǵap, uıymǵa múshe memleketterdiń naqty maqsat-mindetterin ashyp aıtty, dep habarlaıdy "Adyrna" ulttyq portaly.
«Odaqtyń negizgi saıası jáne ekonomıkalyq seriktesi – Qytaı Halyq Respýblıkasymen. Qytaımen ózara tıimdi is-qımyl qurý óte mańyzdy. Biz úshin Qytaı eń iri júk jóneltýshi el jáne eń iri klıent bolyp otyr. Ótken aptada men osy elge memlekettik saparmen bardym. Biz Qytaıdyń Sıan qurǵaq portynda Qazaqstannyń logıstıkalyq ortalyǵy qurylysyn iske qostyq. Bul port Ortalyq Azııaǵa, Eýropaǵa, Túrkııaǵa jáne Iranǵa tikeleı konteınerlik poıyzdardy jiberýdiń negizgi haby bolady dep kútemiz», - dedi Qasym-Jomart Toqaev «Kóppolıarly álemdegi eýrazııalyq ıntegraııa» atty Eýrazııalyq ekonomıkalyq forýmda.
Sondaı-aq, Baqty-Aıagóz aımaǵynda QHR úshin jeke shekara ótkelin salý men temirjol qatynasyn bastaý josparlanyp otyrǵanyn jetkizdi.
Prezıdent óz sózinde Reseımen de tabysty yntymaqtastyqqa úmit artatyndyǵyn jetkizdi. Óıtkeni mundaı joba Qytaı úshin tek Qazaqstannan ǵana emes, Batys Sibirden de taýar jetkizý qashyqtyǵy men merzimderin edáýir qysqartady.
«Fızıkalyq ınfraqurylymdy damytýdan bólek, jumsaq ınfraqurylym qurýǵa, ıaǵnı ıfrlandyrýǵa, kedendik ákimshilendirýdi jeńildetýge jáne ákimshilik júktemeni azaıtýǵa mán berý de óte mańyzdy. Jalpy, biz qazir Eýrazııanyń buǵan deıin eshqashan bolmaǵan jańa irgetasyn qalap jatyrmyz deýge bolady. Eger osy máselege muqııat jáne birlesip qarasaq, aıtarlyqtaı ekonomıkalyq jáne saıası dıvıdendter ala alamyz. Osy turǵyda tolyqqandy jáne syndarly halyqaralyq yntymaqtastyǵymyzdyń qanshalyqty mańyzdy ekenin túsinemiz dep oılaımyn», - dedi Qasym-Jomart Toqaev.
Qasym-Jomart Toqaev bul erekshelikterdi eskere otyryp, Qytaımen, Úndistanmen, Vetnammen, Iranmen, Egıpetpen, Izraılmen, Serbııamen jáne basqa seriktestermen belsendi qarym-qatynas ornatý arqyly odaqtyń jandanatynyn málimdedi. Mundaı keńaýqymdy qarym-qatynas Odaqtyń saýda-ekonomıkalyq mańyzyn arttyratynyn basa aıtty.
Eske sala keteıik, QR Prezıdenti Qasym-Jomart Toqaev Joǵary Eýrazııalyq ekonomıkalyq keńestiń otyrysyna qatysý úshin araǵa 15 kún salyp Máskeýge bardy.
"Adyrna" ulttyq portaly
