Ázerbaıjan prezıdenti Ilham Álıevtiń sheshimi Pýtındi tyǵyryqqa tiredi. Bul týraly Túrkııanyń Haber Global telearnasy AZAL jolaýshylar ushaǵynyń apatqa ushyraýy týraly daıyndaǵan reportajynda aıtylǵan, dep habarlaıdy “Adyrna” ulttyq portaly.
Haber Global telearnasy daıyndaǵan materıalda Pýtınniń Ázerbaıjannan keshirim suraýǵa májbúr bolǵany, al kelesi kúni prezıdent Ilham Álıevtiń Ázerbaıjan tarapynyń ádil talaptaryn baıandaǵany atap ótilgen.
Sıýjette Ázerbaıjan memleketi basshysynyń Reseı tarapy ushaqpen bolǵan oqıǵadan keıin birden jaýapkershilikti óz moınyna almaǵandyǵy, al Reseı Federaııasyndaǵy keıbir toptar tipti ártúrli senarııler usynǵany týraly málimdemelerine basa nazar aýdarylǵan.
Sondaı-aq, áýe apatyn 17 halyqaralyq sarapshydan turatyn top tergep jatqandyǵy aıtylǵan.
Eske salsaq, 25 jeltoqsan kúni Ázerbaıjannyń «Ázerbaıjan áýe joldary» kompanııasynyń Embraer E 190 ushaǵy Bakýden Groznyıǵa ushyp bara jatyp, Qazaqstannyń Aqtaý qalasy mańynda apatqa ushyrady. Ushaqtyń bortynda 67 adam bolǵan, onyń 38-i qaza tapty.
