Mańǵystaý oblysynyń áleýmettik-ekonomıkalyq damýy jónindegi keńeske qatysqan Memleket basshysy Qasym-Jomart Toqaev Jańaózendegi gaz óńdeý zaýyty qurylysynyń keshigip jatqanyn synǵa alyp, muny Úkimettiń óreskel olqylyǵy dep atady. Bul týraly Aqorda jazdy, dep habarlaıdy “Adyrna” ulttyq portaly.
«Men buǵan deıin Jańaózendegi gaz óńdeý zaýytyn 2024 jylǵa qaraı iske qosý týraly tapsyrma berdim. Biraq túrli rásimder sozylyp, merdigermen kelisim-shartqa byltyr ǵana qol qoıyldy. Sonyń saldarynan zaýytty iske qosý merzimi 2027 jylǵa qalyp qoıdy. Bul – Úkimettiń óreskel olqylyǵy«,– dedi Memleket basshysy.
Toqaev Úkimetke bul máseleni qatań baqylaýǵa alýyn aıtyp, eskertý jasady.
Buǵan deıin «Qashaǵandaǵy» gaz óńdeý zaýytyn iske qosý merzimi taǵy da keıinge shegerilgen bolatyn. «Qashaǵan» ken ornynda salynyp jatqan gaz óńdeý zaýytynyń qurylysy endi 2026 jyldyń sońyna deıin aıaqtalyp, paıdalanýǵa beriledi dep kútilýde. Energetıka mınıstrliginiń túsindirýinshe, jumystar josparǵa saı júrip jatyr, alaıda birqatar tehnologııalyq nysandar boıynsha belgili bir qıyndyqtar týyndaǵan.
