Memleket basşysy Mädeniet jäne sport ministrı Däuren Abaevty qabyldady, dep habarlady “Adyrna” ūlttyq portaly Aqordanyŋ resmi saityna sılteme jasap.
Qasym-Jomart Toqaevqa ministr özı jetekşılık etetın barlyq salada atqarylyp jatqan jūmystar turaly baiandady.
Däuren Abaev azamattardyŋ jekelegen sanattarynyŋ kırısın arttyru şaralary turaly aitty. Atap aitqanda biyl mädeniet, öner jäne sport mekemelerı qyzmetkerlerınıŋ jalaqysy ösken. Ministrlık Memleket basşysynyŋ tiıstı tapsyrmalaryn oryndau boiynşa jūmysty jalǧastyrady.
Mädeniet jäne sport ministrı kıtap şyǧaru salasyndaǧy jaǧdai turaly baiandady. Qazır negızgı küş baspa önımderınıŋ, sonyŋ ışınde balalar ädebietınıŋ bäsekege qabıletın arttyruǧa, sondai-aq jazuşylardy qoldauǧa baǧyttalǧan. Sonymen qatar Prezidentke mūraǧat qoimalaryn jaŋǧyrtu men sifrlandyru jaiy aityldy.
Qazaqstandyq sportşylardyŋ halyqaralyq ırı jarystarǧa, 2024 jyly ötetın Olimpiada oiyndaryna daiyndyq mäselesı de jeke qarastyryldy.
Memleket basşysy ministrlıkke būqaralyq jäne balalar sportyn damytu, ūlttyq mädeniettı keŋınen nasihattau jönınde bırqatar mındet jüktedı.
Sonymen qatar, Qasym-Jomart Toqaev turistık infraqūrylymdy damytu men şeteldık investorlardy tartu jäne bırlesken turistık jobalardy ıske qosu üşın qajettı jaǧdai jasaudyŋ maŋyzdy ekenın atap öttı.
Ūqsas jaŋalyqtar
