Bügın - Qazaqstan Respublikasynyŋ eks-basşysy, eldı 30 jylǧa juyq basqarǧan Nūrsūltan Nazarbaevtyŋ sovettık Qazaqstan prezidentı bolǧan künı.
1990 jyly 24 säuır künı Qazaq SSR Joǧary Keŋesı «Qazaq SSR prezidentı qyzmetın taǧaiyndau jäne Konstitusiiaǧa özgerıster men tolyqtyrular engızu turaly» zaŋ qabyldady. Sol künı Joǧary Keŋes jaŋadan taǧaiyndalǧan eŋ biık lauazymdy qyzmetke 49 jastaǧy Nūrsūltan Nazarbaevty sailady.
Onyŋ kandidaturasyna Joǧarǧy Keŋestegı halyq deputattarynyŋ 88% dauys berdı.
Aita ketsek, Qazaqstannyŋ eks-prezidentı Nūrsūltan Nazarbaev bilıkke 1989 jyldyŋ jazynda keldı. 1989 jyldyŋ mausymynda ol Qazaqstan Kommunistık partiiasy Ortalyq komitetınıŋ bırınşı hatşysy bolyp sailandy. 1990 jyldyŋ säuırınde prezident bolǧannan keiın, 1991 jylǧy 1 jeltoqsan künı Qazaqstan tarihynda tūŋǧyş ret bükılhalyqtyq prezident sailauy öttı. Būl sailauǧa kandidat bolyp tüsken jalǧyz adam - Nūrsūltan Nazarbaev Qazaq SSR prezidentı bolyp qaita sailandy.
Resmi mälımet boiynşa, alǧaşqy bükılhalyqtyq prezident sailauyna dauys beru qūqyǧyna ie respublika azamattarynyŋ 88,2 paiyzy qatysqan. Olardyŋ 98,7 paiyzy Nazarbaevqa qoldau bıldırgen. Sodan berı Nazarbaev Qazaqstandy 30 jylǧa juyq üzdıksız basqaryp keldı. Nazarbaev älemdegı bilıgı eŋ ūzaq bolǧan monarh emes memleket basşylarynyŋ bırı boldy.
2019 jylǧy nauryzdaǧy narazylyq şaralaryna bailanysty Nazarbaev otstavkasyn jariialap, bilıktı özıne jaqyn odaqtasy Qasym-Jomart Toqaevqa berdı.
