Toqaev tapsyrmasy: Almatyda jyl saıyn 3 deneshynyqtyrý-saýyqtyrý kesheni salynady

2226
Adyrna.kz Telegram

Memleket basshysy Qasym-Jomart Kemeluly Almaty turǵyndarymen kezdesý barysynda densaýlyq saqtaý salasyna toqtaldy, dep habarlaıdy «Adyrna» tilshisi.

«Qaladaǵy densaýlyq saqtaý salasy týraly aıtsaq, mundaǵy negizgi mindet – ınfraqurylymdy damytý jáne qyzmet kórsetý sapasyn arttyrý. Almatyda emhanalar men aýrýhanalar ábden eskirgen. Turǵyn úıler salǵan kezde áleýmettik nysandar durys josparlanbaıdy. Al, bul aldymen turǵyndardyń ómirine teris áser etedi. Iaǵnı, turǵyndarǵa kórsetiletin qyzmettiń qoljetimdi bolýyna, jedel járdemniń der kezinde kómekke kelýine kedergi keltiredi,-dep kem-ketigin jipke tizdi Toqaev.

Endigide ákimdik jańa medıınalyq nysandar salyp,  jańǵyrtý úshin arnaıy jospar ázirleýi kerek. Bul sharalar ana men bala ólimin azaıtyp, azamattardyń aýyr dertten saqtanýyna múmkindik beredi. Sonymen qatar, alǵashqy dárigerlik-sanıtarlyq kómek júıesin damytý asa mańyzdy.

Prezıdent kelesi jyly halyqaralyq deńgeıdegi kópbeıindi aýrýhana qurylysyn bastaý kerektigin aıtyp, jobany memleket pen bıznestiń seriktestigi arqyly júzege asyrǵan jón ekenin jetkizdi.

Qalanyń qarqyndy ósip kele jatqan aýdandarynda perzenthanasy bar aýrýhanalar salý qajet. Halyqtyń densaýlyǵyn saqtaý úshin naýqastardy emdeýmen qatar, aýrýdyń aldyn alý óte mańyzdy. Osy oraıda, qala turǵyndarynyń salamatty ómir saltyn ustanýyna jaǵdaı jasaýlýy tıis.

«Qazirgi tańda almatylyqtardyń úshten biri ǵana dene shynyqtyrýmen aınalysady. Jalpy, damyǵan qalalarda salamatty ómir saltynyń ınfraqurylymy degen uǵym bar. Almatynyń barlyq aýdandarynda osyndaı ınfraqurylym salynýy kerek. Qazir qaladaǵy sport nysandary negizinen ortalyqta ornalasqan. Shettegi aýdandarda múldem jetispeıdi. Sondyqtan, ákimdikke jyl saıyn keminde 3 deneshynyqtyrý-saýyqtyrý keshenin salýdy tapsyramyn»,-dedi Memleket basshysy  baıandamasynda.

 

Pikirler