Memleket basşysy Qasym-Jomart Kemelūly Almaty tūrǧyndarymen kezdesu barysynda densaulyq saqtau salasyna toqtaldy, dep habarlaidy «Adyrna» tılşısı.
«Qaladaǧy densaulyq saqtau salasy turaly aitsaq, mūndaǧy negızgı mındet – infraqūrylymdy damytu jäne qyzmet körsetu sapasyn arttyru. Almatyda emhanalar men auruhanalar äbden eskırgen. Tūrǧyn üiler salǧan kezde äleumettık nysandar dūrys josparlanbaidy. Al, būl aldymen tūrǧyndardyŋ ömırıne terıs äser etedı. Iаǧni, tūrǧyndarǧa körsetıletın qyzmettıŋ qoljetımdı boluyna, jedel järdemnıŋ der kezınde kömekke keluıne kedergı keltıredı,-dep kem-ketıgın jıpke tızdı Toqaev.Endıgıde äkımdık jaŋa medisinalyq nysandar salyp, jaŋǧyrtu üşın arnaiy jospar äzırleuı kerek. Būl şaralar ana men bala ölımın azaityp, azamattardyŋ auyr dertten saqtanuyna mümkındık beredı. Sonymen qatar, alǧaşqy därıgerlık-sanitarlyq kömek jüiesın damytu asa maŋyzdy. Prezident kelesı jyly halyqaralyq deŋgeidegı köpbeiındı auruhana qūrylysyn bastau kerektıgın aityp, jobany memleket pen biznestıŋ serıktestıgı arqyly jüzege asyrǧan jön ekenın jetkızdı. Qalanyŋ qarqyndy ösıp kele jatqan audandarynda perzenthanasy bar auruhanalar salu qajet. Halyqtyŋ densaulyǧyn saqtau üşın nauqastardy emdeumen qatar, aurudyŋ aldyn alu öte maŋyzdy. Osy oraida, qala tūrǧyndarynyŋ salamatty ömır saltyn ūstanuyna jaǧdai jasauluy tiıs.
«Qazırgı taŋda almatylyqtardyŋ üşten bırı ǧana dene şynyqtyrumen ainalysady. Jalpy, damyǧan qalalarda salamatty ömır saltynyŋ infraqūrylymy degen ūǧym bar. Almatynyŋ barlyq audandarynda osyndai infraqūrylym salynuy kerek. Qazır qaladaǧy sport nysandary negızınen ortalyqta ornalasqan. Şettegı audandarda müldem jetıspeidı. Sondyqtan, äkımdıkke jyl saiyn kemınde 3 deneşynyqtyru-sauyqtyru keşenın saludy tapsyramyn»,-dedı Memleket basşysy baiandamasynda.
Ūqsas jaŋalyqtar
