Memleket basşysy premerdı bır aida ekınşı ret qabyldady, dep habarlaidy "Adyrna" ūlttyq portaly.
2024 jyly 17 qazanda Memleket basşysy Qasym-Jomart Toqaev Premer-ministr Oljas Bektenovtı qabyldady.
Aqordanyŋ mälımetınşe, premer-ministr Oljas Bektenov 2024 jyldyŋ üşınşı toqsanyndaǧy äleumettık-ekonomikalyq damu körsetkışterı turaly baiandady.
"Eseptı kezeŋde şikızattyq emes sektordy damytu nätijesınde ışkı jalpy önımnıŋ ösımı 4 paiyzdy qūraǧan. Eŋ joǧary ösımdı auyl şaruaşylyǧy (11,4%), qūrylys (10,1%), kölık (8%), bailanys (6,4%), sauda (6,3%), öŋdeu önerkäsıbı (4,8%) salalary körsetken. 14 öŋırde öŋdeu önerkäsıbındegı öndırıs kölemı artqan. Biylǧy qaŋtar-tamyz ailarynda syrtqy tauar ainalymy 91,7 milliard dollardy qūraǧan, onyŋ ışınde eksporttyŋ ülesı 3,3 paiyzǧa köbeigen. Oŋ sauda balansy 34,8 paiyzǧa ösıp, 15,4 milliard dollarǧa jetken. El biudjetıne 14,9 trillion teŋge tüsken. Äleumettık tölemder biudjet şyǧysynyŋ negızgı bölıgın qūraidy", - delıngen premerdıŋ jauabynda.
Sondai-aq Ükımet basşysy zaŋsyz ielengen aktivterdı qaitaru jönındegı tapsyrmalarynyŋ oryndalu barysynda söz ettı.
"Jyl basynan berı komissiia 450 milliard teŋgege juyq aktivterdı qaitaru jönındegı kelısımderdı maqūldaǧan. Bügınde memleketke 265 milliard teŋgenı qūraityn aktivter, sonyŋ ışınde aqşalai 177 milliard teŋge qaitarylǧan. Barlyq qaitarylǧan qarajat äleumettık maŋyzy zor jobalarǧa jūmsalyp jatyr. Zaŋsyz iemdenılgen aktivterdı memleketke qaitaru turaly" Zaŋnyŋ subektılerı bırqatar jobalardy, atap aitqanda, mūqtaj adamdardy oŋaltu jäne äleumettendıru baǧdarlamalaryn, mädeni-bılım beru ortalyǧy men sporttyq manej qūrylysyn qarjylandyrudy bastaǧan", - delıngen mälımette.
Aita keteiık, 24 qyrküiek künı Memleket basşysy premerdı qabyldaǧan bolatyn. Qabyldau barysynda premer tūrǧyn üilerdı jylytu mausymyna äzırleu jūmystary 98,3 paiyzǧa oryndalǧanyn da aitqan bolatyn. Alaida elımızdıŋ bırneşe aimaǧy jylytu mausymyna daiyn bolmai şyqqany mälımdeldı.
Ūqsas jaŋalyqtar
