Qazaqstan Aýǵanstanda temirjol salýǵa 500 mıllıon dollar ınvestıııa salýǵa daıyn. Bul týraly Qazaqstannyń Ulttyq ekonomıka mınıstri Serik Jumanǵarın Kabýlda Aýǵanstannyń ekonomıka jónindegi vıe-premeri Abdýl Ǵanı Baradarmen kezdesýde málimdedi, dep habarlaıdy "Adyrna" ulttyq portaly.
Joba Aýǵanstannyń soltústigindegi Torgýndı qalasynan Geratqa deıin (odan ári eldiń ońtústigindegi Spın-Boldakqa deıin) temirjol baǵytyn tartýdy kózdeıdi. Sondaı-aq, Qazaqstan bul jobany ilgeriletý úshin Gerat qalasynda kólik-logıstıkalyq kompanııa qurýdy josparlap otyr.
Serik Jumanǵarın Kabýlǵa 21 sáýir kúni Qazaqstan-Aýǵanstan bıznes-forýmyna qatysý úshin bardy. Qazaqstan Premer-mınıstriniń baspasóz qyzmeti Jumanǵarın men Abdýl Ǵanı Baradardyń kezdesýine arnalǵan baspasóz habarlamasynda temirjol jobasyna ınvestıııa salý týraly málimetti taratpaǵan. Biraq qazaqstandyq bıznes ókilderiniń Aýǵanstandaǵy paıdaly qazbalar ken oryndaryn barlaýǵa qyzyǵýshylyq bildirip otyrǵanyn atap ótken.
«14 sáýirde Aýǵanstanǵa Qazaqstannan geologtar men ınjenerlerden quralǵan mamandar toby keldi. Olar Aýǵanstannyń Taý-ken ónerkásibi jáne munaı mınıstrliginiń qoldaýymen birneshe ken oryndaryn aralady. QR Indýstrııa jáne qurylys vıe-mınıstri Iran Sharhannyń aıtýynsha, mamandar Nurystan provınııasyndaǵy berıllıı, qorǵasyn jáne myrysh kezdesetin bolýy múmkin perspektıvti ken oryndarynan 130 kg ken úlgisin jınaǵan. Endi bul úlgiler tereńirek zertteý úshin Qazaqstanǵa jóneltilip, zerthanalyq taldaýdan keıin qazaqstandyq tarap ken oryndaryn ıgerý boıynsha tolyqqandy kelissózderge daıyn boldy», – delingen habarlamada.
Taraptar ózara saýda aınalymyn 3 mıllıard dollarǵa deıin ulǵaıtýǵa jáne Kabýlda Qazaqstan saýda úıin ashýǵa ýaǵdalasty.
