Onyŋ qūttyqtau haty ministrlıktıŋ Telegram-kanalynda jariialandy.
"Qūrmettı volonterler! Qūrmettı dostar! Sızderdı Halyqaralyq volonterler künımen şyn jürekten qūttyqtaimyn!
Qazırgı kezde volonterlık qozǧalys elımızdegı qoǧamdyq ömırdıŋ ajyramas bölıgıne ainaldy. Sızder mädeniet pen bılım, ekologiia men medisina, äleumettık qoldau men qaiyrymdylyq salalarynyŋ damuyna üles qosyp kelesızder.
Keiıngı jyldary Qazaqstanda volonterlıktı memlekettık qoldaudyŋ bırtūtas jüiesı qalyptasty, ol ärqaşan memlekettık saiasattyŋ nazarynda.
Däl bügın BŪŪ-nyŋ Niu-Iork qalasyndaǧy Ştab-päterınde Ornyqty damu jolyndaǧy Halyqaralyq volonterler jyly resmi bastauyn alady.
Atalǧan jyldy jariialau turaly ūsynys Qazaqstan Respublikasynyŋ Prezidentı Qasym-Jomart Kemelūly Toqaevtyŋ bastamasymen jüzege asqanyn maqtan tūtamyz", delıngen jazbasynda.
Sondai-aq, ol Qazaqstan üşın Halyqaralyq jyl ornyqty damu maqsattaryn ıske asyrudaǧy volonterlerdıŋ rölıne basa nazar audara otyryp "Bırge – tūraqty bolaşaq üşın!" ūranymen jaqsylyq pen bırlıktıŋ jalpyhalyqtyq merekesıne ainalatynyn aitty.
"Memleket sızderdıŋ belsendılıgıŋızdı, azamattyq ūstanymyŋyz ben jasampaz ısterıŋızdı joǧary baǧalaidy. Bız volonterlık bastamalardy odan ärı qoldaimyz jäne damu üşın mümkındıkterdı arttyramyz.
Barlyq volonterlerge elımızdıŋ damuyna qosqan ülesı, tabandylyǧy, meiırımdılıgı men öz ısıne adaldyǧy üşın şyn jürekten alǧys aitamyn. Sızderdıŋ igı ısterıŋız ärqaşan qūrmet pen qoldau tauyp, adamdarǧa quanyş pen şattyq äkelsın.
Sızderge zor densaulyq, amandyq, küş-quat jäne qoǧamǧa qyzmet etu jolynda tabys tıleimın", - dedı ministr.
