Qazaqstanda muzeiler men tarihi nysandardy sifrlandyru arqyly halyqtyŋ mädeni mūraǧa qoljetımdılıgın arttyru közdelıp otyr. Būl turaly Mädeniet jäne aqparat ministrı Aida Balaeva Aiqyn gazetıne bergen sūhbatynda aitty, dep habarlaidy “Adyrna”.
Biyl Qazaqstan muzeilerınıŋ bıryŋǧai virtualdy alaŋy – E-museum veb-portaly ıske qosylmaq. Būl platforma arqyly älemnıŋ kez kelgen nüktesındegı qoldanuşylar elımızdıŋ mädeni mūrasyn 3D ülgıler men interaktivtı formatta köruge mümkındık alady.
Mädeniet sifrlanbasa – ol tūiyqtalady. Qazırgı ūrpaq aqparatty vizualdy, interaktivtı türde qabyldaidy. Demek, eger bız jastardy ūlttyq mädenietke tartqymyz kelse, ony solardyŋ tılımen, sifrlyq ortada söiletuımız kerek. Būǧan qosa, sifrlandyru – mūrany saqtau kepılı. Qaǧaz qūjat pen qoljazba tozady, bıraq sifrlyq nūsqa mäŋgı saqtalady ärı älemnıŋ kez kelgen jerınen qoljetımdı bolady. – dep atap öttı ministr.
Sonymen qatar, Aişa bibı kesenesıne elektrondyq bilet, Face ID jäne turniket ornatu arqyly turistık tabys mamyr-mausym ailarynda 4,3 mln teŋgege jetken.
