Teŋız ken ornynda «Käsıbi taŋdau» JŞS qoima qyzmetkerlerı jalaqyny 50%-ǧa köterudı talap etıp, narazylyqqa şyqty. Būl turaly jergılıktı «AqJaiyq» basylymy jazdy, dep habarlaidy ”Adyrna” ūlttyq portaly.
Basylymnyŋ jazuynşa, bastamany kölık departamentınıŋ qyzmetkerlerı qoldap, öz kezegınde eŋbekaqylaryn 100%-ǧa ösırudı sūrady.
17 säuırde qyzmetkerler TŞO bas direktory Uiliam Lakobi, COCR jetekşısı Adjai Maik jäne «Käsıbi taŋdau» JŞS basşysy Ainūr Smitke jazbaşa ötınış joldaǧan. Olar infliasiia men künkörıstıŋ qiyndaǧany alǧka tartyp, qazırgı jalaqy tūrmysqa jetkılıksız ekenın atap ötken. Sondai-aq, eŋbekaqyny arttyru eŋbek önımdılıgıne oŋ äser etetının de mälımdegen. Qyzmetkerler üş kün ışınde resmi jauap berudı sūrady.
Al 21 säuır künı jūmysşylar öz talaptaryn beineündeu arqyly qaitalap, adal ärı tūraqty eŋbek etıp jürgenderın aityp, jalaqyny 50%-ǧa köterudı sūrady. Sonymen qatar, olar talap qoiǧandary üşın qudalauǧa ūşyramaudy ötıngen.
«Käsıbi taŋdau» JŞS — Caspian Offshore Construction Realty (COCR) kompaniiasynyŋ merdıgerı, al COCR öz kezegınde — TŞO-nyŋ (Teŋızşevroil) merdıgerı.
Atyrau qalasynda tırkelgen kompaniia 2021 jyly aşylǧan. Negızıgı qyzmetı – eŋbek resursymen (qyzmetker taŋdau) qamtamasyz etu. Qūryltaişysy – Komleva Elena.
Qazırgı taŋda öndırıs toqtatylmaǧan. Eŋbek inspeksiiasy Teŋız ken ornynda kelıssözder jürıp jatqanyn habarlady. Audan äkımınıŋ orynbasary, audan prokurory jäne memlekettık eŋbek inspeksiiasynyŋ basşysy jaǧdaidy baqylauǧa alyp, oqiǧa ornyna barǧan.
Ūqsas jaŋalyqtar
