تەڭىز كەن ورنىندا «كاسىبي تاڭداۋ» جشس قويما قىزمەتكەرلەرى جالاقىنى 50%-عا كوتەرۋدى تالاپ ەتىپ، نارازىلىققا شىقتى. بۇل تۋرالى جەرگىلىكتى «اقجايىق» باسىلىمى جازدى، دەپ حابارلايدى ”ادىرنا” ۇلتتىق پورتالى.
باسىلىمنىڭ جازۋىنشا، باستامانى كولىك دەپارتامەنتىنىڭ قىزمەتكەرلەرى قولداپ، ءوز كەزەگىندە ەڭبەكاقىلارىن 100%-عا ءوسىرۋدى سۇرادى.
17 ساۋىردە قىزمەتكەرلەر تشو باس ديرەكتورى ۋيليام لاكوبي، COCR جەتەكشىسى ادجاي مايك جانە «كاسىبي تاڭداۋ» جشس باسشىسى اينۇر سميتكە جازباشا ءوتىنىش جولداعان. ولار ينفلياتسيا مەن كۇنكورىستىڭ قيىنداعانى العكا تارتىپ، قازىرگى جالاقى تۇرمىسقا جەتكىلىكسىز ەكەنىن اتاپ وتكەن. سونداي-اق، ەڭبەكاقىنى ارتتىرۋ ەڭبەك ونىمدىلىگىنە وڭ اسەر ەتەتىنىن دە مالىمدەگەن. قىزمەتكەرلەر ءۇش كۇن ىشىندە رەسمي جاۋاپ بەرۋدى سۇرادى.
ال 21 ءساۋىر كۇنى جۇمىسشىلار ءوز تالاپتارىن بەينەۇندەۋ ارقىلى قايتالاپ، ادال ءارى تۇراقتى ەڭبەك ەتىپ جۇرگەندەرىن ايتىپ، جالاقىنى 50%-عا كوتەرۋدى سۇرادى. سونىمەن قاتار، ولار تالاپ قويعاندارى ءۇشىن قۋدالاۋعا ۇشىراماۋدى وتىنگەن.
«كاسىبي تاڭداۋ» جشس — Caspian Offshore Construction Realty (COCR) كومپانياسىنىڭ مەردىگەرى، ال COCR ءوز كەزەگىندە — تشو-نىڭ (تەڭىزشەۆرويل) مەردىگەرى.
اتىراۋ قالاسىندا تىركەلگەن كومپانيا 2021 جىلى اشىلعان. نەگىزىگى قىزمەتى – ەڭبەك رەسۋرسىمەن (قىزمەتكەر تاڭداۋ) قامتاماسىز ەتۋ. قۇرىلتايشىسى – كوملەۆا ەلەنا.
قازىرگى تاڭدا ءوندىرىس توقتاتىلماعان. ەڭبەك ينسپەكتسياسى تەڭىز كەن ورنىندا كەلىسسوزدەر ءجۇرىپ جاتقانىن حابارلادى. اۋدان اكىمىنىڭ ورىنباسارى، اۋدان پروكۋرورى جانە مەملەكەتتىك ەڭبەك ينسپەكتسياسىنىڭ باسشىسى جاعدايدى باقىلاۋعا الىپ، وقيعا ورنىنا بارعان.
