QR Qarjy naryǵyn retteý jáne damytý agenttiginiń aldyna on beske jýyq adam narazylyqqa shyqty, dep habarlaıdy “Adyrna” ulttyq portaly Orda.kz saıtyna silteme jasap.
Aıtýlarynsha, olar ıpotekany ýaqytyly tólemegendikten úılerin bosatýǵa májbúr bolǵan. Bankter keıbir úılerdi óz atyna zańdastyryp alǵan.
2016, 2017 jáne 2020 jyldar aralyǵynda baspanasynan aıyrylǵan adamdar narazylyq akııasyna shyqty. Olardyń arasynda múmkindigi shekteýli jandar da bar.
Sherýshiler banktiń áreketin zańsyz dep sanaıdy.
Úıinen aıyrylǵandardyń biri Gúlbaqysh Raqymjanqyzynyń aıtýynsha, ol 2006 jyly ıpoteka alǵan. Ipotekany tóleı almaǵandyqtan úıinen aıyrylǵan. Qazir ol bank óz atyna bólip bergen páterde turyp jatyr.
2007 jyly Halyq bankinen ıpoteka alǵanbyz. Qazir ıpotekany tóleı almaı otyrmyz, ekinshi toptaǵy múgedek balam bar. Ipotekalyq nesıeni óteı almaǵan soń, bank úıdi óz atyna aýdardy. Shydamymyz taýsyldy. Biz altaýmyz. Qazir biz bank óz atyna jazyp bergen páterde turyp jatyrmyz. Jalǵyz men ǵana emes, kelgenderdiń barlyǵy úılerin qaıtarǵysy keledi. Bul bizdiń basty maqsatymyz. Iske jeke sot oryndaýshylary da, bankırler de qatysty, – deıdi Gúlbaqysh Raqymjanqyzy.
Top Halyq bankiniń keńsesine baratynyn habarlady. Aıtýlarynsha, bank qyzmetkerleri telefon tutqasyn kótermeıdi. Qarjy naryǵyn retteý organynyń ǵımaratynda narazylyq bildirýshiler bank qyzmetkerlerimen qaıta-qaıta habarlaspaq bolǵan. Biraq olardyń qońyraýyna eshkim jaýap bermedi.
“Adyrna” ulttyq portaly
